23 avqust 2011 15:04
Paytaxt klubunun məşqçisinə 5 oyunluq cəza
AFFA İntizam Komitəsinin növbəti iclası keçirilib. Azerisport.az xəbər verir ki, iclasda əvəzedicilərin çempionatının 3-cü turunda baş verən bəzi hüquq pozuntularına da qiymət verilib.
Məlum olub ki, "İnter" - "Bakı" oyununun 77-ci dəqiqəsində “İnter"in məşqçisi Rüstəm Əliyev hakimi təhqir edib. Buna görə o, 5 oyunluq cəzalandırılıb, klubu 2000 manat cərimə olunub. "İnter" həmçinin 5 futbolçusu sarı vərəqə aldığından 500 manat cərimə edilib.
"Xəzər Lənkəran" - "Turan" oyununun 89-cu dəqiqəsində qonaqların futbolçusu Zabid Səfərov sonuncu ümid fouluna görə birbaşa qırmızı vərəqə alıb. Bu səbəbdən futbolçu 1 oyunluq cəzalanıb, klub 100 manat cərimə edilib.
"Neftçi" - "Sumqayıt" matçının 44-cü dəqiqəsində isə ev sahiblərinin futbolçusu Bəhram Bəhramzadə kobud oyuna görə ikinci sarı vərəqəni aldığından eyni cəzanı alıb.
