23 avqust 2011 19:18
AZAL-da hollandiyalı futbolçu (FOTO)
AZAL yeni futbolçular sınamaqda davam edir. Azerisport.az xəbər verir ki, baş məşqçi Elxan Abdullayev hazırda hollandiyalı futbolçu Dennis van der Valı sınaqdan keçirir.
Qeyd edək ki, sağ cinah müdafiəçisi olan bu futbolçu 1986-cı il təvəllüdlüdü. Onun karyerasının böyük hissəsi Hollandiyanın “Zwolle” klubu ilə bağlıdı. Belə ki, Van der Val 2004-cü ildən etibarən çıxış etdiyi bu komandada 113 matça çıxıb və 2 qola imza atıb. Bu il isə o, “Cambuur”a icarəyə verilib və burda 15 matça çıxıb.
Onun karyerasında üçüncü, legioner həyatında isə ilk klubu məhz AZAL ola bilər. Hər halda buna, müdafiəçinin özünü nə dərəcədə yaxşı tərəfdən göstərə bilməsi aydınlıq gətirəcək.
