23 avqust 2011 11:42
Zeynal Məmmədov: İstənilən halda günahkar futbolçulardı
"Bakı”nın baş meneceri Zeynal Məmmədov azerisport.az saytına müsahibəsində Premyer Liqanın üçüncü turunun “İnter”lə oyununda baş verən olaylara münasibətini açıqlayıb.
- Matçın belə sonluqla başa çatacağını gözləyirdiz?
- Məncə, bunu heç kəs gözləmirdi. Çünki matçın gedişi də hadisələrin bu cür sonluğundan qətiyyən xəbər vermirdi. Hesab edirəm ki, bütün bunlar qətiyyən düzgün deyil. Ən azı ona görə ki, o penaltinin reallaşacağına heç kim zəmanət verə bilməzdi. Hansı ki, komandamız artıq həmin ana kimi bu mövsüm ardıcıl iki penaltini dəyərləndirə bilməmişdi.
- Sizcə, penalti var idi?
- Bəli, Lomaya bizim oyunçuya zərbə endirmişdi. O, artıq topu tutmuşdu və bizim oyunçuya qarşı kobudluq etdi.
- Bəli, Lomaya bizim oyunçuya zərbə endirmişdi. O, artıq topu tutmuşdu və bizim oyunçuya qarşı kobudluq etdi.
- “İnter” rəhbərliyinin futbolçuları meydandan çıxarmasını necə qarşıladınız?
- Bu, onların qərarıdı. Amma məncə, matç başa çatdırılmalıydı. Biz də ötən mövsüm “Neftçi” ilə oyunda Jabaya qarşı kobudluğa görə verilməyən penaltinin qarşılığında meydanı tərk edə bilərdik. Amma bunu etmədik. Əgər qələbə qazana bilmirsənsə, istənilən halda günahkar sənin futbolçularındı. Mənə həmçinin o epizod da xoş olmadı ki, LOmaya Novruzova zərbə vurdu. Bəs onun laysmana göstərdiyi jestdən sonra nə danışasan? Bizimkilər Gürcüstanda elə şey edə bilər? Əlbəttə, yox.
- Bu, onların qərarıdı. Amma məncə, matç başa çatdırılmalıydı. Biz də ötən mövsüm “Neftçi” ilə oyunda Jabaya qarşı kobudluğa görə verilməyən penaltinin qarşılığında meydanı tərk edə bilərdik. Amma bunu etmədik. Əgər qələbə qazana bilmirsənsə, istənilən halda günahkar sənin futbolçularındı. Mənə həmçinin o epizod da xoş olmadı ki, LOmaya Novruzova zərbə vurdu. Bəs onun laysmana göstərdiyi jestdən sonra nə danışasan? Bizimkilər Gürcüstanda elə şey edə bilər? Əlbəttə, yox.
- Oyunçular arasında dalaşma olub?
- Xeyr, kiçik münaqişələr olub. Biz dərhal öz oyunçularımıza xəbərdarlıq etdik ki, təxribata getməsinlər.
- AFFA İntizam Komitəsindən hansı qərarı gözləyirsiz?
- Ancaq ədalətli bir qərar.
- Ancaq ədalətli bir qərar.
- Komandanızın oyunundan razı qaldınız?
- Əvvəlki “Qəbələ” və “Simurq”la oyunlarla müqayisədə bu dəfə daha yaxşı oyun sərgilədik. Şəxsən mən futbolçularımızda qələbə istəyini görürdüm. Əlbəttə, hələ sərgilədiyimiz futbol idealdan uzaqdı. Amma turdan-tura daha yaxşı oynamağa çalışırıq. Anlaşma səviyyəsi düzəlir. Son 15 dəqiqədə biz “İnter”i tamamilə üstələmişdik.
- Əvvəlki “Qəbələ” və “Simurq”la oyunlarla müqayisədə bu dəfə daha yaxşı oyun sərgilədik. Şəxsən mən futbolçularımızda qələbə istəyini görürdüm. Əlbəttə, hələ sərgilədiyimiz futbol idealdan uzaqdı. Amma turdan-tura daha yaxşı oynamağa çalışırıq. Anlaşma səviyyəsi düzəlir. Son 15 dəqiqədə biz “İnter”i tamamilə üstələmişdik.
- Penaltilərlə bağlı problemi necə izah edərdiz?
- Heç bilmirəm, nə etmək lazımdı. İvanov vura bilməyəndən sonra ümidlər Soliçə idi. Amma o da vura bilmədi. Buna görə də digər penalti zamanı Novruzov topa yaxınlaşdı. Fikrimcə, o vuracaqdı.
