24 avqust 2011 16:12
Bakı braziliyalı futbolçu ilə iki illik müqavilə bağladı (FOTO)
"Bakı" futbol klubu transfer pəncərəsinin bağlanmasına bir neçə gün qalmış daha bir transfer gerçəkləşdirdi. Azerisport.az xəbər verir ki, bu, "İnter"lə oyunda meydana da çıxan Vilson Aparekido Xavyer Juniordu.
Bu futbolçu 1984-cü ilin 15 mart tarixində Braziliyanın Araponqas şəhərində anadan olub. 27 yaşlı yarımmüdafiəçi Braziliyanın “Londrina” (1999-2001), “Fluminense” (2001), “Londrina” (2001-2004) klublarında oynayıb. 2004-cü ildə İtaliyanın “Chievo” komandasında icarə əsasında çıxış edıb.
Junior 2004-2008-ci illərdə Sloveniyanın “Domjale” (103 oyun, 10 qol) klubunda forma geyib. 2009-cu il mövsümünü Braziliyanın “Figueirense” klubunda keçirən braziliyalı 2009-2010 mövsümündə yenidən “Domjale”lə qayıdıb. Sloveniyada 39 oyun keçirən Junior 4 qola imza atıb.
Cari mövsümdən etibarən "Bakı" klubuna transfer olunan Juniorla 2 illik müqavilə imzalanıb. Futbolçu 8 nömrəli formada çıxış edəcək.
