25 avqust 2011 01:50
Fenerbahçe ən azı 40 milyon ziyana düşdü
UEFA Çempionlar Liqasından kənarlaşdırılan Türkiyənin "Fenerbahçe" klubu bu azmış kimi maddi ziyana da düşüb. Azerisport.az xəbər verir ki, Çempionlar Liqasına qatıldığı üçün Türkiyəyə ayrılmış 12,5 milyon avronu qazanmalı olan "Fenerbahçe" 6 qrup matçına çıxdığı üçün daha 7,5 milyon avro gəlir əldə edəcəkdi.
Bununla yanaşı, İstanbulda oynayacağı 3 matçın hasilatı, reklam gəlirləri və UEFA-dan televiziya yayımları ilə əlaqədar gələcək bonusu da hesablasaq, ən azı daha 20 milyon avro ziyana uğrayan "Fenerbahçe" klubunun ümumi zərərinin 40 milyon avro olduğu bildirilir.
Qeyd edək ki, bu zərərin getdikcə daha da artacağı istisna olunmur.
