26 avqust 2011 13:01
Leekens: Bakıda bizi nə gözlədiyini bilirəm
AÇ-2012-nin seçmə mərhələsində yığmamızın rəqibi olan Belçika seçməsinin baş məşqçisi Jorj Leekens Azərbaycanla oyun üçün Bakıya yollanmazdan öncə bu gün ölkəsində mətbuat konfransı keçirib. Azerisport.az həmin mətbuat konfransından hazırlanan reportajı təqdim edir.
“Mən həmişə oyunlardan öncə yetirmələrimə deyirəm ki, növbəti qarşılaşma çox vacibdi. Buna görə də həmin oyunda mütləq qələbə qazanmalıyıq” – deyə, Leekens sözə başlayıb.
“Mən həmişə oyunlardan öncə yetirmələrimə deyirəm ki, növbəti qarşılaşma çox vacibdi. Buna görə də həmin oyunda mütləq qələbə qazanmalıyıq” – deyə, Leekens sözə başlayıb.
“Gələn həftə hamımızı səfərdə Azərbaycanla həqiqətən çox vacib oyun gözləyir. Mən artıq təxmini də olsa, orda bizi nə gözlədiyini bilirəm. Bu, yerli publikanın komandalarına verəcəyi dəstək və heç də yaxşı vəziyyətdə olmayan qazondu. Lakin biz özümüzü təmizə çıxaracaq nəsə axtarmamalıyıq. Əksinə, biz azərbaycanlıları məğlub etməliyik. Bunu da etməyə çalışacağıq”.
Leekensin fikrincə, Azərbaycana məğlubiyyət onların qrupdan çıxmaq şanslarına böyük zərbə vurmuş olacaq: “Hazırda bizim qrupdan çıxmaq şanslarımız 5-30 faizdi. Amma bu göstəcini yüksəltməliyik. Azərbaycana məğlubiyyət yalnız rüsvayçı bir nəticə olmayacaq, həm də bizim şanslarımızı heçə endirəcək”.
Öz yetirmələrinə gəlincə, baş məşqçi gənclərdən qurulan komandasının möhtəşəm potensiala malik olduğunu bildirib: “Komandamız boy atmağa davam edir. Komandamızın oyunçuları Avropanın müxtəlif çempionatlarında, güclü klublarında çıxış edirlər. Seçmə mərhələ oyunları da göstərir ki, biz inkişaf edirik”.
O, Bakıda qazanılacaq qələbənin faydasından da danışıb: “Bakıda azərbaycanlılar üzərində qazanılacaq qələbə bizə ABŞ-la sentyabrın 6-da keçiriləcək oyuna daha yaxşı hazırlaşmağa da imkan verəcək. Əgər qələbə qazansaq, amerikalılarla oyuna sakit hazırlaşa bilərik. Daha sonra isə Türkiyə və Avstriya ilə oyunlarda uğurlu nəticəyə ümid etməli olacağıq”.
Qeyd edək ki, Azərbaycan – Belçika oyunu sentyabrın 2-də Tofiq Bəhramov adına Respublika stadionunda keçiriləcək.
