26 avqust 2011 13:12
Qəbələ daha bir oyunçu ilə gücləndi (FOTO)
"Qəbələ" yay transfer dövründə daha bir futbolçunu heyətinə cəlb edib. Azerisport.az xəbər verir ki, əyalət təmsilçisi ingilis qapıçı Qrem Smitlə müqavilə bağlayıb.
Artıq 28 yaşlı qapıçının adı klubun iştirak ərizəsinə əlavə edilib. Qeyd edək ki, son olaraq Şotlandiyanın "Hibernian" klubunda çıxış etmiş Smit yeni klubunda 30 nömrəli formanı geyinəcək.
Qeyd edək ki, bu qapıçının 28 yaşı var. Karyerasının böyük hissəsi məhz elə “Hibernian”la bağlıdı. 1983-cü ildə anadan olan futbolçu “Rangers”in yetirməsi olsa da, bu komandada demək olar ki, oyun keçirməyib. Əvəzində müxtəlif dövrlərdə “Ross County”, “Motherwell”, “Brighton & Hove Albion” kimi klublarda çıxış edib. Toni Adams bu qapıçını İngiltərədə keçirilən təlim-məşq toplanışında sınamış və bəyənmişdi. Hazırda “Qəbələ”nin əsas qapıçısının Pavel Doroşev olduğunu da qeyd edək.
