26 avqust 2011 03:11
Fenerbahçe Bank Asya birinci liqada
Türkiyənin "Fenerbahçe" klubu Bank Asya birinci liqada çıxış etmək istəyir. Azerisport.az xəbər verir ki, bu barədə klubun vitse-prezidenti Ali Koç açıqlama verib.
Klub rəsmisi bildirib ki, bununla bağlı Türkiyə Futbol Federasiyasına müraciət edəcəklər: "UEFA-nın şərt qoyması Türkiyə üçün təhqirdi. Federasiya olaraq bir komandanın Avropaya getməsini uyğun görmürsünüzsə, onun Superliqada çıxış etməsini necə münasib bilirsiniz? Bu qərarı UEFA verdi deyə məsuliyyətdən qaçmaq mümkün deyil. "Trabzonspor"un Çempionlar Liqasına getməsi də düzgün deyil. Çünki hazırda davam edən istintaqda onlar da şübhəli tərəfdi. "Fenerbahçe"nin Çempionlar Liqasına getməyib, Superliqada çıxış etməsini düzgün hesab etmirik. Biz günahsız odduğumuzu və ədalətin gec-tez yerini tutacağını bildirmişdik. Futbolçularımız "Fener"in Bank Asya birinci liqada çıxış etməsini tələb etdilər. Biz də bununla bağlı federasiyaya müraciət edib “Bizi Bank Asyaya yollayın" deyəcəyik. Çempionlar Liqasına getməyimizə imkan verməyiblərsə, demək günahkarıq".
