27 avqust 2011 20:43
Cavadov oynadı, Volqa qazandı (YENİLƏNİB)
Bu gün Rusiya Premyer Liqasında 22-ci turun oyunları keçirilib. Azerisport.az xəbər verir ki, Azərbaycan yığmasının hücumçusu Vaqif Cavadovun şərəfini qoruduğu “Volqa” doğma meydanda “Terek”lə qarşılaşıb.
Qeyd edək ki, həmyerlimizin komandasının durumu heç də yaxşı deyildi. Çünki 16 komanda arasında 13-cü pillədə qərarlaşan Nijni Novqorod klubu təhlükəli zonadan uzaqlaşmağa çalışırdı. Lakin Dmitri Çerışevin rəhbərlik etdiyi kollektiv məğlubiyyətləri sıralamaqda davam edir.
Lakin bu dəfə nəhayət ki, uğursuz gedişata son qoyulub. Vaqifin komandası 3:1 hesablı qələbə sayəsində xallarını 16-ya çatdırıb.
Bir qayda olaraq sonradan meydana çıxan Cavadovun bu dəfə də oynayacağı istisna olunmurdu. Hər halda baş məşqçi onu ilk 18-liyə salmışdı və Vaqif sonrakı dəqiqələrdə meydana girə bilərdi. Belə də olub. 68-ci dəqiqədə meydana daxil olan millimizin üzvü yeni komandası ilə ilk qələbəsinə sevinib.
Rusiya Premyer Liqası
22-ci tur
27 avqust
Volqa – Terek - 3:1 (2:0)
Qollar: Tursunov, 19, Qoqua, 39, Hocava, 54 - Pavlenko, 85.
