27 avqust 2011 21:16
Aleksander Starkov: Utanırıq
“Bakı”nın baş məşqçisi Aleksander Starkov Premyer Liqanın 4-cü turunun “Kəpəz”lə ev oyununu şərh edib. Azerisport.az xəbər verir ki, o, komandasının 0:3 hesablı məğlubiyyəti ilə başa çatan görüşdən sonra bunları dilə gətirib.
“Səmimi danışaq, bu elə bir nəticədi ki, mən söz tapıb deyə bilmirəm. Oyunumuz alınmadı. Birinci hissənin əvvəlində nəsə etməyə çalışdıq, amma olmadı. Ələ düşən imkanlardan yararlana bilmədik. İkinci hissəyə də qol vəziyyəti ilə başladıq. Bu dəfə də şeç nə alınmadı. Evdə 0:3 hesabı ilə uduzmaq bizi utandırır. Azarkeşlər, rəhbərlik, mətbuat qarşısında utanırıq. Futbolçularla da bu barədə danışdım, onlara fikirlərimi bildirdim. Mənim kifayət qədər yaxşı nəticə verən təcrübəm var. Karyeramda belə hallara rast gəlmişəm, qara zolağa düşmüşəm. Amma bu vəziyyətdən çıxış yolunu da bilirəm. Bizə sadəcə dəstək və inam lazımdı ki, bu vəziyyətdən çıxaq. Heç nəyə söz vermirəm. Sadəcə, bu vəziyyətdən çıxış yolunu bilirəm və bunun öhdəsindən gələcəyik”.
