Bakıda penalti sindromu davam edir

"Bakı"nın penalti şanssızlığı davam edir. Azerisport.az xəbər verir ki, paytaxt klubu ardıcıl üçüncü turda 11 metrlik cərimə zərbəsini boşa verdi.

 

"Simurq"la 0:0 başa çatan oyunda Denis İvanov, ötən tur "İnter"lə qarşılaşmada isə Aleksandr Soliçin ardınca Nurlan Novruzov da 11 metrlik nöqtədən qapını dəqiq nişan ala bilmədi. Belə ki, "Kəpəz"lə oyunun 89-cu dəqiqəsində baş hakim Elçin Məmmədov Azər Məmmədovun cərimə meydançasındakı kobud oyununa görə penalti təyin etdi. Lakin topa yaxınlaşan "İnter" matçının qəhrəmanı Nurlan Novruzov Konstantin Kolesnikovla mübarizədən məğlub ayrıldı.

 

Qeyd edək ki, üç penaltini boşa verən "Bakı" daha bir 11 metrlik zərbəni yerinə yetirə bilməyib. Belə ki, "İnter"lə oyunun əlavə vaxtında təyin olunan penalti “bankirlər” meydanı tərk etdiyindən yerinə yetirilməmişdi. Bu gedişlə komandanın penalti sindromuna kimin son qoyacağı maraqla gözlənilir.