30 avqust 2011 01:52
İspaniya çempionatı: Barcelona da darmadağınla başladı (YENİLƏNİB)
İspaniya çempionatında yeni mövsümə start verilib. Azerisport.az xəbər verir ki, 2011/12 mövsümünün ilk turunun birinci oyun günündə 3 qarşılaşma keçirilib.
Qeyd edək ki, əslində İspaniyada yeni mövsüm ötən həftə başlamalıydı. Lakin maaşlarını ala bilməyən futbolçuların yekdilliklə bütün oyunlarla bağlı tətil qərarı ilk turun təxirə salınması ilə nəticələndi. Bu üzdən də yeni mövsümə ikinci turun oyunları ilə start verildi.
Mövsüm “Sporting” – “Real Sociedad” görüşü ilə başlayıb. Qarşılaşma qonaq komandanın qələbəsi ilə bitib. “Valencia” - “Racing” görüşündə də qonaqlar qələbəyə çox yaxın olublar. Matçda hesabı meydan sahiblərinin hücumçusu Soldado açıb. Amma ilk dəqiqədəcə azarkeşlərini sevindirən bu futbolçu 5 dəqiqə sonra da avtoqola imza atmaqla bir andaca antiqəhrəmana çevrilib. Bundan sonra qonaqlar daha iki qol vurmağa nail olublar. Qonaqların üçüncü qolundan dərhal sonra “Valencia” fərqi azaldıb. Son dəqiqələrdə isə yenə Soldado səhnəyə çıxıb. Məhz bu hücumçunun vurduğu növbəti iki qol komandasına möhtəşəm əzmkar qələbə qazandırıb.
Çempionatın debütantı “Granada” isə doğma meydanda “Real Betis”ə son dəqiqələrdə buraxılan qolla məğlub olub.
Turun əksər qarşılaşmaları ikinci oyun günü keçirilib. Madrid "Real"ı səfərdə "Zaragoza" üzərində 6 cavabsız qolla qələbə qazanıb. "Sevilla" doğma meydanda "Malaga"nı yenib. "Mallorca" "Espanyol"u çətinliklə məğlub edərkən, Türkiyə millisinin aparıcı üzvü Ardanın çıxış etdiyi "Atletico" mövsümə heç-heçə ilə start verib. Yeri gəlmişkən, türkiyəli ulduz bu görüşün son 30 dəqiqəsində meydanda olub.
Hesabat turuna "Barcelona" - "Villareal" görüşü ilə yekun vurulub. Kataloniya təmsilçisi elə yeni mövsümdəki ilk oyunundaca əsl çempionluq oyunu sərgiləyərək, əsas rəqiblərindən biri üzərində darmadağına imza atıb.
İspaniya La Liqası
2-ci tur
27 avqust
Sporting - Real Sociedad – 1:2
Qollar: Migel, 68-pen – Aqirretxe, 35; 65.
Valencia – Racing – 4:3
Qollar: Soldado, 1; 88; 90, Rami, 57 – Soldado, 6-öz qapısına, Akosta, 14, Qonsales, 56.
Granada - Real Betis – 0:1
Qol: Martin, 88.
28 avqust
Atletico - Osasuna - 0:0
Athletic - Rayo Vallecano - 1:1
Qollar: İturraspe, 56 - Movilla, 62.
Getafe - Levante - 1:1
Qollar: Miku, 62 - Xuanlu, 77.
Mallorca - Espanyol - 1:0
Qollar: Quzman, 62.
Zaragoza – Real - 0:6
Qollar: Ronaldo, 24; 71; 87, Marselo, 28, Alonso, 64, Kaka, 82.
Sevilla - Malaga - 2:1
Qollar: Neqredo, 2; 26 - Kazorla, 81.
29 avqust
Barcelona - Villarreal - 5:0
Qollar: Alkantara, 25, Fabreqas, 45, Sançes, 47, Messi, 52; 75.
