28 avqust 2011 16:48
Robertas Poşkus: İnterlə oyun mənim üçün prinsipial olmayacaq
“Simurq”un yeni transferi, “İnter”dən icarəyə götürülən litvalı forvard Robertas Poşkus azerisport.az saytının suallarını cavablandırıb.
- Nəhayət ki, futbolsuz qaldığınız günlər bitmək üzrədi…
- Əsas odu ki, yenidən futbol oynmağa başlayıram. Xidmətimdə maraqlı olan bir kluba keçdim. “İnter”də qalmaq istəmirdim, çünki bunun mənası yox idi. “Simurq”da mehriban kollektiv var.
- Nə əcəb “Simurq”dan başqa variantınız yox idi?
- Məsələ bunda deyil. Bura Sergey Yurana görə gəldim.
- Məsələ bunda deyil. Bura Sergey Yurana görə gəldim.
- O, sizə böyük ümidlər bəslədiyini deyir...
- Öz növbəmdə mən də onun ümidlərini doğrultmağa çalışacam. Yeni komandamda oynamağa şadam. Yuran çox yaxşı məşqçidi. Mənim işim isə qol vurmaqdı. Yraunla söhbət etmişəm. O, bura vaxt keçirməyə gəlməyib. Onun geniş planları var.
- Amma sizin “Simurq”la anlaşmanız cəmi 1 illikdi...
- Bəli, elədi. Amma hadisələri qabaqlamaq istəməzdim. İndi mənə hələ formamı bərpa etmək lazımdı. Mən indi sadəcə 60-70 faiz hazıram. Bu isə yetərli deyil.
- Hər halda baş məşqçi “Turan”la oyunda xidmətinizdən yararlana bilər...
- Komandada sadəcə hücumçu yoxdu. Andrey Rubin zədəlidi. Yuran bildirdi ki, məni 15-20 dəqiqəlik buraxacaq. Ola bilsin ki, oyunun əvvəlindən də buraxsın. Hər halda oynamağa gücüm var. “Turan”la oyun bizim üçün çox vacibdi. Bizə 3 xal lazımdı. Tovuzda oynamaq həmişə çətindi.
- Növbəti turda isə məhz “İnter”lə qarşılaşacaqsız...
- Mən o oyunu özüm üçün prinsipial saymıram. O kluba nəyisə sübut etmək fikrim də yoxdu. Orda iki mövsüm keçirdim. Çempion oldum. Adi bir oyun olacaq.
- Növbəti turda isə məhz “İnter”lə qarşılaşacaqsız...
- Mən o oyunu özüm üçün prinsipial saymıram. O kluba nəyisə sübut etmək fikrim də yoxdu. Orda iki mövsüm keçirdim. Çempion oldum. Adi bir oyun olacaq.
