28 avqust 2011 00:05
Rednik komandadan narazı qaldı, Elnura mesaj göndərdi
“Xəzər Lənkəran”ın baş məşqçisi Mirça Rednik Premyer Liqanın 4-cü turunun “Rəvan” ilə səfər oyununu şərh edib. Azerisport.az xəbər verir ki, o, 1:1 hesabı ilə başa çatan görüşdən sonra bunları dilə gətirib.
"Oyuna görə məyusam, yaxşı oynamadıq. Hesabı oyuna görə normal hesab edirəm. "Rəvan" ilk hissədə daha yaxşı oynadı, pressinq tətbiq etdi. Komandamız bu gün yorğun görünürdü, ötürmələrdə səhvlər var idi, xüsusən də yarımmüdafiədə. Futbolçularımızın bütün komandalara qarşı ciddi yanaşmalarını istəyirəm. Sanki, 3 ardıcıl qələbədən sonra komandada arxayınlıq yaranmışdı. Bəlkə də komanda artıq "Neftçi" ilə oyunu düşünür. "Rəvan" yaxşı oyun göstərdi, 1 xal qazandığımız üçün bəxtimiz gətirdi. Elnur Abdullayevə özünü göstərməsi üçün dörd oyundu ki, şans verirəm. Gələn dəfə onu meydana buraxmaq üçün 1000 ölçüb bir biçəcəm".
