29 avqust 2011 12:42
Berti Foqtsdan milliyə Ramazan istirahəti
Məlum olduğu kimi, AÇ-2012-nin seçmə mərhələsində, Tofiq Bəhramov adına Respublika stadionunda sentyabrın 2-də Belçika, sentyabrın 6-da isə Qazaxıstan yığması ilə qarşılaşacaq Azərbaycan milli komandası dünəndən etibarən təlim-məşq toplanışına başlayıb. Azerisport.az xəbər verir ki, komandamızın ilk hazırlıq prosesi uzun çəkməyəcək.
Belə ki, yığmamız sabah ilk təlim-məşq toplanışını yekunlaşdıracaq. Baş məşqçi Berti Foqts 2 günlük hazırlıq prosesindən sonra komandamızın üzvlərini Ramazan bayramı münasibəti ilə evlərinə buraxacaq.
Millimiz bir də avqustun 31-də bir araya gələcək. Məhz həmin gündən etibarən futbolçuları sentyabrın 6-na kimi baş məşqçinin sərəncamında olacaqlar.
