30 avqust 2011 12:57
Simurq 2 yığma üzvü ilə gücləndi (FOTO)
"Simurq" heyətini daha iki əcnəbi futbolçu ilə gücləndirib. Azerisport.az xəbər verir ki, son olaraq "Qarabağ"dan latviyalı Andrey Rubin, "İnter"dən isə litvalı Robertas Poşkusu heyətinə qatan Zaqatala klubunun növbəti transferləri də Baltiyanı ölkələrdən olub.
Belə ki, "Simurq" latviyalı Kristaps Qrebis və litvalı Vidas Alunderislə güclənib. Kristaps Qrebis artıq azərbaycanlı azarkeşlərə yaxşı tanışdı. Ötən mövsüm "Kəpəz"in şərəfini qoruyan, amma istənilən oyunu sərgiləyə bilməyən forvard bundan sonra "Simurq"un şərəfini qoruyacaq.
30 yaşlı Qrebis Azərbaycana gəlməzdən əvvəl Latviyanın "Metallurg" (182 oyun, 94 qol), "Riga" (20 oyun, 3 qol), "Ventspils" (11 oyun), İngiltərənən "Oxford" (4 oyun) və Cənubi Kiprin AEL klublarında çıxış edib. 2008-ci ildən sonra Latviya millisində 13 oyun keçirən futbolçu 2 qola imza atıb.
32 yaşlı Vidas Alunderis isə müdafiəçidi. Müdafiənin mərkəzində və sol cinahında oynamağı bacaran futbolçu indiyədək Litvanın "Jalgiris-Volmeta" (11 oyun), "Atlantas" (26 oyun, 3 qol), "Gelezinis" (11 oyun), "Ardena" (15 oyun, 1 qol), "Jalgiris" (Vilnüs, 37 oyun, 1 qol), "Vetra" (8 oyun), Ukraynın "Metallist" (Xarkov, 33 oyun), "Tavriya" (8 oyun), Polşanın "Zaglebe" (51 oyun, 3 qol), və Avstriyanın LASK (25 oyun, 1 qol) klublarında çıxış edib. Onun son klubu Rusiya "Baltika"sı olub (Kalininqrad, 11 oyun, 1 qol). Alunderis Litva yığmasında 21 oyun keçirib.
