30 avqust 2011 11:28
Leekens: Azərbaycan doğma meydanda tamamilə fərqli oynayır
AÇ-2012-nin seçmə mərhələsi çərçivəsində sentyabrın 2-də Bakıda millimizin qonağı olacaq Belçika yığmasının baş məşqçisi Jorj Leekens Azərbaycana səfər öncəsi ölkəsində jurnalistlər üçün mətbuat konfransı keçirib. Azerisport.az xəbər verir ki, təcrübəli mütəxəssis Bakı səfəri ərəfəsində öncə itkilərdən şikayətlənib:
“Mən Tomas Vermalenlə Daniel van Buytenin qarşıdakı oyunda bizə kömək edə bilməyəcəyinə çox məyus oldum. Bu, tək məni yox, hamımızı məyus edir. Axı son dövrlər hər iki futbolçu çox gözəl forma yığmışdı”.
“Mən Tomas Vermalenlə Daniel van Buytenin qarşıdakı oyunda bizə kömək edə bilməyəcəyinə çox məyus oldum. Bu, tək məni yox, hamımızı məyus edir. Axı son dövrlər hər iki futbolçu çox gözəl forma yığmışdı”.
Qeyd edək ki, Vermalen London “Arsenal”ının, Van Buyten isə Münhen “Bayern”inin müdafiəçisidi. Hər iki futbolçu komandalarının son oyunlarında ciddi zədə alaraq, bir müddət yaşıl meydanlardan kənarda qalmağa məcbur olub. Leekens isə Vermalensiz 2:8 hesablı məğlubiyyətlə üzləşən “Arsenal”ı da yada salıb:
“Hər halda “Arsenal”ın İngiltərə çempionatında “Manchester United”ən böyük hesabla uduzması da Vermalenin necə yaxşı formada olmasının əsas göstəricilərindən biri sayıla bilər. Çünki onun komandası öz lideri olmadan meydana çıxmışdı. Vermalen “Arsenal”ın da əsas fiqurlarındandı və o, olmayanda belə problemlərin yaranması təbiidi. Hər halda “Liverpool”la oyunda “Arsenal” daha yaxşı müdafiə olunurdu”.
“Hər halda “Arsenal”ın İngiltərə çempionatında “Manchester United”ən böyük hesabla uduzması da Vermalenin necə yaxşı formada olmasının əsas göstəricilərindən biri sayıla bilər. Çünki onun komandası öz lideri olmadan meydana çıxmışdı. Vermalen “Arsenal”ın da əsas fiqurlarındandı və o, olmayanda belə problemlərin yaranması təbiidi. Hər halda “Liverpool”la oyunda “Arsenal” daha yaxşı müdafiə olunurdu”.
Bu iki futbolçunun yoxluğunda “Standard”dan Loran Simanı milliyə çağıran mütəxəssis onunla da bağlı fikirlərini açıqlayıb: “O, bazar günü Belçika çempionatının “Germinal”la oyununda 90 dəqiqə meydanda oldu. Həm də bu futbolçu millidəki komanda yoldaşlarını yaxşı tanıyır. Elə biz də onun güclü keyfiyyətlərinin olduğunu yaxşı bilirik”.
Bakıdakı qarşılaşmaya gəlincə, Leekens ancaq qələbə hədəflədiklərini gizlətməyib: “Əgər qrupda ikinci yeri tutub, final mərhələsinə vəsiqə qazanmaq istəyiriksə, bizim başqa çıxış yolumuz yoxdu. Bu rəqiblə oyuna çox ciddi yanaşmağımız lazımdı. Evdəki oyunda baş verənlər (həmin oyunda belçikalılar 4:1 hesablı qələbəyə sevinmişdilər – azerisport.az) o qədər də vacib deyil. Azərbaycanlılar doğma divarlar arasında tamamilə fərqli oynayırlar. Onlar Türkiyəni məğlub ediblər (1:0) və bizə bunu xatırlamaq lazımdı”.
