1 sentyabr 2011 13:36
“Belçikaya qalib gəlməklə Türkiyəyə kömək etmək istəyirik”
Milli komandamızın və “Qəbələ”nin müdafiəçisi Mahir Şükürov sabah keçiriləcək Belçika yığması ilə AÇ-2012-nin seçmə mərhələ oyunu öncəsi jurnalistlərlə fikirlərini bölüşüb. Azerisport.az xəbər verir ki, o, bu gün keçirilən mətbuat konfransında bunları dilə gətirib:
“Çox təəssüf ki, baş məşqçimiz xəstələnib. Amma komandada əhval-ruhiyyə yaxşıdı. Doğma meydanda oynayırıq, inşallah sabah qələbə qazanmaqla azarkeşlərimizi və federasiya prezidentini sevindirərik. Belçika yığmasının heyətində yaxşı futbolçuların olduğunu qeyd edə bilərəm. Amma bizdə Brüsseldəki oyunla müqayisədə xeyli dəyişikliklər var. Məsələn, mən cinahda Əfran İsmayılovla birgə oynamalı olacam. Ümumiyyətlə, baş məşqçi kimlərə şans versə, onlar da özlərini yaxşı tərəfdən göstərməyə çalışacaqlar. Ehtiyatda qalan komanda yoldaşlarıma da uğurlar arzulayıram. Sona kimi döyüşəcəyik ki, 3 xal qazanaq. Belçika yığmasını udmaqla həm öz azarkeşlərimizin üzünü güldürmək, həm də Türkiyə yığmasına kömək etmək istəyirik. Bu, niyə də olmasın? Qoy türkiyəlilər bizə azarkeşlik etsinlər. Çünki artıq yığmamız özünəinam qazanıb. Brüsseldəki oyunda formada deyildim. Klubumda az məşq etmişdim. İndi yaxşı formadayam və komandama kömək etməyə çalışacağam".
“Çox təəssüf ki, baş məşqçimiz xəstələnib. Amma komandada əhval-ruhiyyə yaxşıdı. Doğma meydanda oynayırıq, inşallah sabah qələbə qazanmaqla azarkeşlərimizi və federasiya prezidentini sevindirərik. Belçika yığmasının heyətində yaxşı futbolçuların olduğunu qeyd edə bilərəm. Amma bizdə Brüsseldəki oyunla müqayisədə xeyli dəyişikliklər var. Məsələn, mən cinahda Əfran İsmayılovla birgə oynamalı olacam. Ümumiyyətlə, baş məşqçi kimlərə şans versə, onlar da özlərini yaxşı tərəfdən göstərməyə çalışacaqlar. Ehtiyatda qalan komanda yoldaşlarıma da uğurlar arzulayıram. Sona kimi döyüşəcəyik ki, 3 xal qazanaq. Belçika yığmasını udmaqla həm öz azarkeşlərimizin üzünü güldürmək, həm də Türkiyə yığmasına kömək etmək istəyirik. Bu, niyə də olmasın? Qoy türkiyəlilər bizə azarkeşlik etsinlər. Çünki artıq yığmamız özünəinam qazanıb. Brüsseldəki oyunda formada deyildim. Klubumda az məşq etmişdim. İndi yaxşı formadayam və komandama kömək etməyə çalışacağam".
