Berti Foqts start heyətini müəyyənləşdirdi

Futbol üzrə Azərbaycan yığmasının sabah keçiriləcək AÇ-2012-nin seçmə mərhələsinin Belçika ilə oyunu üçün əsas heyəti artıq məlumdu. Azerisport.az xəbər verir ki, millimizin baş məşqçisi Berti Foqts komandasını bu oyuna 4-2-1-2-1 taktikası ilə çıxarmağa hazırlaşır.

Qapıda həmişəki kimi yenə Kamran Ağayev duracaq. Müdafiənin mərkəzində Aqil Nəbiyevlə Rəşad Sadıqov oynayacaq. Müdafiənin sağ cinahında Mahir Şükürov, solunda isə Elnur Allahverdiyev çıxış edəcək.

 

Yarımmüdafiə xəttinə gəlincə, Vurğun Hüseynovla Ruslan Abışov dayaq yarımmüdafiəçisi kimi çıxış edəcək. Mərkəzdə isə Aleksandr Çertoqanov qərarlaşacaq. Əfran İsmayılovla Vaqif Cavadov insayd funksiyasını yerinə yetirəcək. Rauf Əliyev isə yeganə forvard kimi ön xəttdə yer alacaq.

Qeyd edək ki, Azərbaycan – Belçika matçı sabah Tofiq Bəhramov adına Respublika stadionunda keçiriləcək və Bakı vaxtı ilə saat 21:00-da başlayacaq.