İngilislər Azərbaycan futboluna qiymət verdilər - 6:0 (YENİLƏNİB)

Bu gün futbol üzrə gənclərdən ibarət yığma komandamız yeni tsiklə start verib. Azerisport.az xəbər verir ki, Azərbaycan millisi AÇ-2013-ün seçmə mərhələsi çərçivəsində ilk oyununa çıxıb.

 

Futbolçularımızın ilk rəqibi isə qrupumuzun favoriti – İngiltərə yığması idi. Uotforddakı “Vikarec Road” stadionunda keçirilən görüşdə yığmamızın sürprizə imza atacağını onsuz da heç kim gözləmirdi. Xorvatiyadan olan Domaqoy Vuçkovun idarə etdiyi görüşdə yalnız minimal hesabla uduzmağa ümid edə bilərdik.

 

Amma Stüart Pirsin yetirmələri yığmamıza düz 6 cavabsız qol vurdular. Beləcə, Azərbaycan U-21-i yenə seçmə mərhələyə də biabırçı yenilgi ilə başlamış oldu. Komandamız növbəti oyununu sentyabrın 6-da səfərdə Belçikaya qarşı keçirəcək.

 

AÇ-2013-ün seçmə mərhələsi

8-ci qrup

1 sentyabr

 

İNGİLTƏRƏ - AZƏRBAYCAN - 6:0 (3:0)

Qollar: Douson, 5; 89, Lensberi, 21; 73, Henderson, 45, Ueqhorn, 79.

Baş hakim: Domaqoy Vuçkov (Xorvatiya)

Uotford. “Vikarec Road” stadionu.

 

İNGİLTƏRƏ: 1. Cek Batlend, 2. Conatan Flenaqan, 3. Metyu Briqqs, 4. Cek Roduell, 5. Stiven Kolker, 6. Kreyq Douson, 7. Aleks Oksleyd-Çemberlen, 8. Cordan Henderson (k), 9. Konnor Uikhem, 10. Henri Lensberi, 11. Netan Delfaunso.

Ehtiyat oyunçular: 13. Ben Emos, 12. Co Bennet, 14. Andre Uinsdom, 15. Ross Barkli, 16. Conco Şelvi, 17. Marvin Sordell, 18. Martin Ueqhorn.

Baş məşqçi: Stüart Pirs.

AZƏRBAYCAN: 12. Osman Umarov, 2. Qara Qarayev, 3. Tərlan Quliyev, 4. Bədavi Hüseynov, 5. Novruz Məmmədov, 6. Mirhüseyn Seyidov, 7. Araz Abdullayev, 9. Orxan Həsənov, 10. Eşqin Quliyev, 15. Amit Quluzadə, 19. Cihan Özkara.
Ehtiyat oyunçular: 1. Səlahət Ağayev, 8. Emin Mustafayev, 11. Kamil Nurəhmədov, 13. Mixail Zaytsev, 20. Hacı Əhmədov, 21. Cavid İmamverdiyev, 23. Tural İsgəndərov.

Baş məşqçi: Bernard Lippert.

 

Komandalar medana çıxdılar

Hər iki ölkənin dövlət himnləri səslənir

Oyun başladı. Millimizə uğurlar arzulayırıq!

1. Yığmamız oyuna başlayan tərəf oldu

1. Elə ilk dəqiqədə meydan sahibləri təhlükəli hücum qursa da, Hendersonun zərbəsi azacıq yan keçir

5. Korner zamanı Douson başla dəqiq oynayaraq hesabı açır - 1:0

8. İngilislər qoldan sonra da topu özlərində saxlamağa çalışırlar

10. Meydan sahiblərinin növbəti təhlükəli hücumu qeyri-dəqiq zərbə ilə tamamlanır

11. Komandamızın ilk hücumunu müdafiəçilər zərərsizləşdirirlər

12. Delfaunsonun zərbəsi kornerə çıxır

13. Korner zamanı yenə Douson fərqlənməyə yaxın olsa da, bu dəfə dəqiq olmur

16. İngilislərin sürətli hücumu nəticəsiz qalır

19. Amit Quluzadə rəqibini əllə saxladığı üçün sarı vərəqə ilə cəzalanır

21. Sol cinahla hücum quran ingilislərin cərimə meydançamıza asması zamanı sanki tək olan Lensberi heç bir maneəyə rast gəlmədən akrobatik zərbə ilə fərqi artırır - 2:0

24. Amit rəqibinə qarşı çox kobud oynasa da, hakim onu bağışlayır

26. Millimizin yerinə yetirdiyi cərimə zərbəsini meydan sahibləri kornerə çıxarırlar

27. Künc zərbəsindən heç nə alınmır

30. İngilislərin hücumu zamanı azarkeşlər yerdə qalan futbolçuya görə penalti tələb etsələr də, daha çox simulyasiya vardı

32. Eşqin Quliyevin qapıya doğru zərbəsi çox aralı keçir

33. Çemberlenin zərbəsində azacıq dəqiqlik çatışmır

34. Umarov çıxışda inamlı oynayaraq qola imkan vermir

38. İngilislər millimizi təzyiqdə saxlamağa davam edirlər. Lakin zərbələri dəqiq alınmır. Komandamız isə meydanın rəqibə aid hissəsinə keçməkdə, top saxlamaqda çətinlik çəkir

40. Oyunun tempi hissənin sonlarında bir qədər aşağı düşüb

45. Henderson cərimə meydançası həndəvərindən dəqiq zərbə ilə daha bir qol vurur - 3:0

45. İlk yarıya 1 dəqiqə əlavə olunur

Birinci hissə başa çatdı

İkinci hissə başladı

46. Lippert ilk yarıda daha çox kobud oyunla yadda qalan Amitin əvəzində meydana Cavid İmamverdiyevi buraxır

46. Səlahət Ağayev meydan sahiblərinin hücumu zamanı topu tutur

48. Komandamız ikinci hissəyə hücumlarla başlayıb. Özkara qapıçı ilə üz-üzə qalsa da, zərbəsini qapıçı tutur

52. İmamverdiyevin uzaqdan zərbəsi dəqiq olmur

55. Flanaqan Qara Qarayevi cinahla irəliləyərkən yıxdığına görə sarı vərəqə alır

56. Millimizin cərimə zərbəsi zamanı Özkara topu başla tora qovuşdurmaq istəsə sə, qapıçı əla reaksiya ilə buna imkan vermir

57. Futbolçularımız fasilədən sonra tam fərqli oyun sərgiləyirlər. Maraqlıdı, bunu ilk yarıda da etmək olmazdımı?

60. Briqqsin uzaqdan qüvvətli zərbəsini Ağayev qaytara bilir

66. İngilislərin çox təhlükəli hücumu zamanı sadəcə bəxtimiz gətirir

68. Millimizin təhlükəli hücumunu İmamverdiyev qeyri-dəqiq zərbə ilə tamamlayır

69. Stüart Pirs birdən-birə iki əvəzləməyə əl atır: Delfaunsonun əvəzində meydana Sordell, Uikhemin əvəzində isə Uekhorn çıxır

72. Sordell qapıçımızla üz-üzə qalsa da, zərbəsi azacıq yan keçir

73. Amma az sonra cərimə meydançamızda yaranan qarışıqlıq zamanı Lensberi özünün ikinci, komandasının dördüncü qolunu vurur - 4:0

75. Oyuna fəal qoşulan Sordell daha bir qol imkanını əldən verir

76. Millimizdə Orxan Həsənov yerini Tural İsgəndərova verir

77. İnilislərin künc zərbəsi təhlükəli, amma qeyri-dəqiq zərbə ilə tamamlanır

79. Çemberlen yerini Şelviyə buraxır

79. Ueqhornun uzaqdan zərbəsi xeyli irəli çıxan Səlahətin səhvi nəticəsində qapımıza daxil olur - 5:0

85. Şelvi sarı vərəqə ilə cəzalanır

88. Eşqin Quliyevin əvəzində meydana Emin Mustafayev çıxır

89. Növbəti künc zərbəsi və Duosonun başla növbəti qolu - 6:0

90. Matçın əsas vaxtına 3 dəqiqə əlavə olunur

Oyun başa çatdı