2 sentyabr 2011 18:02
“Hər oyunda meydana yalnız qələbə üçün çıxacağıq”
Futbol üzrə Azərbaycan birinci divizionunun birinci turunun oyunları 10-11 sentyabr tarixlərində keçiriləcək. Azerisport.az xəbər verir ki, “Şuşa” çempionata ciddi hazırlaşır.
Klubun prezidenti Azəri Hüseynovun verdiyi məlumata görə, komanda formalaşdırılarkən əsasən gənclərə üstünlük verilib: “Biz çalışacağıq ki, çempionatda uğurlu çıxış edək. Bizim əsas məqsədimiz mümkün qədər müvəffəqiyyətlə iştirak etməkdi. Bu mövsüm heyətimizə əsasən 1992-1993-cü il təvəlüdlü futbolçuları cəlb etmişik. Məqsədimiz 21 yaşa qədər olan perspektivli futbolçuları müəyyən edib səviyyələrini yüksətmək, gələcək üçün hazırlamaqdı”.
“Mövsümə yaxşı hazırlaşmışıq. Futbolçularımız mənəvi və fiziki cəhətdən özlərini tam hazır hiss edirlər. Komandada əhval-ruhiyyə yüksəkdi. Ümid edirəm ki, Nadir Qasımovun rəhbərliyi ilə “Şuşa” klubu çempionatda uğurlu nəticələrə imza atacaq. İlk turda Gəncənin “Tərəqqi” komandasını qəbul edəcəyik. Bu komanda haqqında heç bir məlumatım yoxdu, tanımadığımız rəqibdi. Amma ilk oyunda qalib gəlib çempionata uğurlu nəticə ilə başlamaq istəyirik. Biz hər bir oyunda yalnız qələbə üçün meydana çıxacağıq”.
Qeyd edək ki, “Şuşa” keçən mövsüm olduğu kimi bu il də ev oyunlarını “Şəfa” stadionunda keçirəcək. (PFL)
