2 sentyabr 2011 23:25
Vəli Qasımov: Milli qorxaq futbol oynamadı
AÇ-2012-nin seçmə mərhələsinin Azərbaycan – Belçika matçından (1:1) sonra səhhətində problem olan Berti Foqtsun əvəzində mətbuat konfransına gələn köməkçi-məşqçi Vəli Qasımov matçla bağlı fikirlərini açıqlayıb. Azerisport.az xəbər verir ki, o, görüşü belə şərh edib:
“Bizə çox çətin oldu. Çünki Belçika ciddi rəqibdi. Biz müdafiədən oynayıb, əks-hücumlarda şans axtarmağa çalışdıq. Qazaxıstanla da oyunumuz çətin olacaq. Axı biz bu rəqibə Astanada məğlub olmuşduq” – deyə, Qasımov bildirib.
“Bizə çox çətin oldu. Çünki Belçika ciddi rəqibdi. Biz müdafiədən oynayıb, əks-hücumlarda şans axtarmağa çalışdıq. Qazaxıstanla da oyunumuz çətin olacaq. Axı biz bu rəqibə Astanada məğlub olmuşduq” – deyə, Qasımov bildirib.
Penalti epizodu ilə bağlı danışarkən millimizin məşqçisi bunları söyləyib: “Bilmirəm, orda penalti var idi, ya yox. Biz uzaqda oturmuşduq. Amma əgər penalti verilibsə, deməli, bu, olmalıydı. Mən hakimin qərarları haqda danışa bilmərəm”.
“Araz Abdullayev hələ yığmada oynamağa hazır deyil. Bu gün oynayan futbolçulara gəlincə, hansınısa xüsusi vurğulamaq istəməzdim. Çünki hamısı sona kimi vuruşdular. Hər biri çalışdı ki, yaxşı oyun göstərək. Mən onunla da razı deyiləm ki, biz qorxaq oyun sərgilədik. Belçika çox təhlükəli rəqibdi. Onların heyətində çoxlu yaxşı futbolçular var. Hansı ki, Avropanın aparıcı futbol çempionatlarında çıxış edirlər” – deyə, Qasımov bildirib.
