3 sentyabr 2011 20:08
Türkiyə millisi daha bir ciddi itki ilə üzləşdi
AÇ-2012-nin seçmə mərhələsində dünən Qazaxıstanı məğlub etməklə qrup ikinciliyinə yüksələn Türkiyə millisi Avstriya ilə oyunöncəsi daha bir ciddi itki ilə üzləşib. Azerisport.az xəbər verir ki, dünənki oyunun 60-cı dəqiqəsində zədələnərək meydanı tərk edən Emre Belözoğlu milli komandanın heyətindən kənarlaşdırılıb.
Bu gün tibii müayindən keçən Emrenin zədəsinin ciddi olduğu müəyyənləşib. Artıq futbolçunun Avstriya ilə oyunda iştirak etməyəcəyi dəqiqləşib.
Türkiyə millisinin baş məşqçisi Quus Hiddink artıq ona əvəzləyici də tapıb. Avstriya ilə oyunda Emreni "Galatasaray"lı futbolçu Yekta Kurtuluş əvəz edəcək. Emre ilə yanaşı Qazaxıstan matçında sarı vərəqə alaraq cəzalı duruma düşən Selcuk Şahin də Avstriyaya qarşı oynaya bilməyəcək.
Qeyd edək ki, Emredən öncə Gökhan Gönül də zədə səbəbindən Türkiyə milli komandasının heyətindən kənarlaşdırılmışdı.
