Tobi Alderveyreld: Azərbaycanlıların qapımıza cəmi iki zərbəsi oldu ki...

AÇ-2012-nin seçmə mərhələsi çərçivəsində millimizin qonağı olan Belçika yığmasının müdafiəçisi Tobi Alderveyreld bu görüşlə bağlı fikirlərini açıqlayıb. Azerisport.az xəbər verir ki, o, ölkəsindən olan jurnalistlərə açıqlamasında 1:1 hesablı heç-heçə ilə başa çatan görüşlə bağlı bunları dilə gətirib:

 

“Bildiyim qədərilə, azərbaycanlıların qapımıza doğru cəmi 2 zərbəsi oldu ki, onlardan da biri qolla nəticələndi. Heç özüm də bilmirəm, bu, necə baş verdi. Amma biz özümüzə haqq qazandıra bilmərik. Qarşıda daha iki oyunumuz var. Potensial altı xalı toplamalıyıq. Düzdü, taleyimiz daha çox digər oyunların nəticələrindən asılıdı. Amma indidən onların necə nəticələnəcəyini söyləmək çətindi. Çünki bizim ikinci yeri tutmaq üçün hələ də şanslarımız var”.