5 sentyabr 2011 14:08
Olaf Yansen: İndiki Qazaxıstan Astanada uduzduğumuz komanda deyil
Azərbaycan yığmasının baş məşqçisi Berti Foqtsun köməkçisi Olaf Yansen sabah keçiriləcək AÇ-2012-nin seçmə mərhələsinin Qazaxıstanla oyunu öncəsi bu gün mətbuat konfransı keçirib. Azerisport.az xəbər verir ki, o, jurnalistlərlə görüşündə öncə həmyerlisinin mətbuatdan qaçmasına münasibətini açıqlayıb:
“Onda hər şey qaydasındadı. Dünya praktikasında belə şeylər olur – hərdən baş məşqçi jurnalistlərlə görüşə öz köməkçisini göndərir. Mən artıq 3 ildi bu komandada çalışıram. Hər halda mən də Azərbaycan yığmasının bir üzvüyəm”.
“Onda hər şey qaydasındadı. Dünya praktikasında belə şeylər olur – hərdən baş məşqçi jurnalistlərlə görüşə öz köməkçisini göndərir. Mən artıq 3 ildi bu komandada çalışıram. Hər halda mən də Azərbaycan yığmasının bir üzvüyəm”.
Daha sonra o, Qazaxıstan yığmasından danışmağa başlayıb: “Bu, artıq Astanada uduzduğumuz komanda deyil. Onların Türkiyə ilə oyununu canlı izlədim. Onlar ciddi şəkildə artırıblar. Amma biz istənilən halda əlimizdən gələni edəcəyik ki, qarşıdakı oyunda qələbə qazanıb, azarkeşlərimizi sevindirək”.
O, bu qələbəni nəyin sayəsində qazanmağın mümkünlüyünü də izah edib: “Oyunçularımızın sürətli, cəld hərəkətləri, rəqibi daim təzyiqdə saxlaması sayəsind. Bütün oyun boyu rəqibə göz açmağa imkan verməməliyik”.
Yansen cəzalı duruma düşən Elnur Allahverdiyevi kimin əvəzləyəcəyindən danışmaq istəməyib: “Onu Aqil Nəbiyev də əvəzləyə bilər, Vaqif Cavadov da. Hər futbolçu 100 yox, 120 faiz oyuna köklənməli, əlindən gələni meydanda nümayiş etdirməlidi”.
Almaniyalı məşqçinin sözlərinə görə, qazaxların məlum üstünlüyü var: “Biz 3-4 gündən bir oynamağa alışmamışıq. Hətta “Qarabağ” Avropa Liqasında çıxış edərkən elə təqvimlə üzləşsə də, çempionat oyunu təxirə salındı. Amma qazaxlarda belə şey yoxdu. Onlar fasiləsiz oynayırlar. Bu, qazaxlara əlavə üstünlük qazandırır”.
Yansen son dövrlərdə formada olan Ceyhun Sultanovun yığmaya dəvət almamasına da münasibət bildirib: “Yığmanın qapıları hər kəsin üzünə açıqdı. Sultanov millidə ona görə yoxdu ki, biz ona dəvət göndərməmişik. Amma o, diqqət çəksə, biz dərhal bu futbolçunun xidmətindən yararlanmağa hazırıq”.
