6 sentyabr 2011 13:43
Qarabağ 7 futbolçunun ümidinə qalıb
“Qarabağ” Premyer Liqanın 5-ci turunun “Sumqayıt Şəhər”lə oyununun hazırlıqlarını davam etdirir. Azerisport.az xəbər verir ki, gündə 2 dəfə olmaqla məşqlərini sürdürən komanda natamam heyətlə çalışır.
Komandanın baş məşqçisi Qurban Qurbanov hazırda Dortmund “Borussia”sının düşərgəsindədi. Fərqli millilərə gedən futbolçuların yoxluğunda əsas komandada sadəcə 7 futbolçu qalıb. Üstəlik, zədəli Zaur Həşimov və Emin İmaməliyev də hələki kollektiv çalışmalara başlamayıb. Onların yaxın bir neçə gündə məşqlərə başlayacağı gözlənilir.
Əvəzində Vüqar Nadirov məşqlərdə iştirak edir. Avqustun startında sıradan çıxan 23 yaşlı forvardın növbəti turda baş tutacaq oyuna qədər hazır olacağı gözlənilir. Komandada yetərli sayda futbolçunun olmaması səbəbindən əvəzedici heyətdən də əsas komandanın məşqlərinə futbolçular cəlb olunub.
