7 sentyabr 2011 11:18
Kamran Ağayev: Mən heç onları azərbaycanlı hesab etmirəm
Futbol üzrə yığma komandamızın qapıçısı Kamran Ağayev AÇ-2012-nin seçmə mərhələsi çərçivəsində keçirilən Qazaxıstanla oyundan (3:2) sonra azerisport.az saytının suallarını cavablandırıb.
- Oyunla bağlı fikirlərini bilmək istərdik...
- Hələ Belçika və Qazaxıstanla oyunlardan öncə uşaqlarla söhbətimizdə ancaq nəticəyə oynayacağımıza söz vermişdik. Ola bilsin ki, sərgilədiyimiz oyun baxımlı alınmadı. Amma hər halda istədiyimiz nəticəni qazana bildik. Bir də ona çox şadam ki, azarkeşlər son dəqiqələrdə istefa tələb etmədilər.
- Bu, futbolçulara çoxmu təsir edir?
- Əlbəttə. Hələ oyun gedir, heç nə itirilməyib, azarkeşlər isə elə birinci hissədən baş məşqçini istefaya səsləyirlər. Bu qələbəni bizə azarkeşlik edənlərə həsr edirəm. Kimlər ki, kənar fikirlərlə stadiona gəlmişdilər, mən heç onları azərbaycanlı hesab etmirəm. Biz öz vətənimiz, ölkəmiz üçün oynayırıq, başqaları üçün yox.
- Əlbəttə. Hələ oyun gedir, heç nə itirilməyib, azarkeşlər isə elə birinci hissədən baş məşqçini istefaya səsləyirlər. Bu qələbəni bizə azarkeşlik edənlərə həsr edirəm. Kimlər ki, kənar fikirlərlə stadiona gəlmişdilər, mən heç onları azərbaycanlı hesab etmirəm. Biz öz vətənimiz, ölkəmiz üçün oynayırıq, başqaları üçün yox.
- İlk dəfə qazandığımız 7 xalla bağlı nə deyərdiniz?
- Azərbaycan futboluna böyük pullar yatırılır. Əlbəttə, artıq nəticə də tələb olunmağa başlayıb. Bu, tam normaldı. Amma əldə etdiyimiz uğurlu nəticəyə baxmayaraq, seçmə mərhələni 7 xalla bitirməyimizi istəmirik. Qarşıda Avstriya ilə də ev oyunumuz var. Onları da məğlub etmək, ən azı xal almaq olar.
- Azərbaycan futboluna böyük pullar yatırılır. Əlbəttə, artıq nəticə də tələb olunmağa başlayıb. Bu, tam normaldı. Amma əldə etdiyimiz uğurlu nəticəyə baxmayaraq, seçmə mərhələni 7 xalla bitirməyimizi istəmirik. Qarşıda Avstriya ilə də ev oyunumuz var. Onları da məğlub etmək, ən azı xal almaq olar.
- Bəs Türkiyə ilə oyun?
- Çoxları düşünə bilər ki, biz ora elə-belə gedəcəyik. Amma hər şey başqa cür olacaq. Hətta İstambulda da yaxşı nəticəyə ümid edəcəyik. Bu tsikl də göstərdi ki, biz çox şeyə qadirik.
- Çoxları düşünə bilər ki, biz ora elə-belə gedəcəyik. Amma hər şey başqa cür olacaq. Hətta İstambulda da yaxşı nəticəyə ümid edəcəyik. Bu tsikl də göstərdi ki, biz çox şeyə qadirik.
- Qazaxıstanla oyundan öncə deyilirdi ki, qələbə müqabilində futbolçularımıza rekord məbləğdə mükafat veriləcək. AFFA prezidenti oyundan sonra sizə nə dedi?
- Rövnəq Abdullayev bizi təbrik etdi. Mükafata gəlincə, onun rekord məbləğdə olub-olmamasının heç bir önəmi yoxdu. Biz öz vətənimiz üçün oynadıq.
- Yeri gəlmişkən, bu oyunda 2 qol buraxdınız. Qalibləri mühakimə etməzlər, amma yenə sizin fikirlərinizi bilmək istərdik...
- Mən həmin zərbələrin qarşısını ala bilərdim və buna borclu idim. Əgər qol vurublarsa, deməli, mənim günahımdı. Məni qapıya qoyublarsa, zərbələrin qarşısını almalıyam, topları tordan çıxarmamalıyam.
