8 sentyabr 2011 13:12
Avstriya yığmasını Berti Foqts çalışdıra bilər
Futbol üzrə Azərbaycan yığmasının baş məşqçisi Berti Foqts Avstriya millisinin sükanı arxasına keçə bilər. Azerisport.az xəbər verir ki, belə bir iddianı Avstriya mətbuatı irəli sürüb.
Bu ölkədən olan həmkarlarımızın yazdığına görə, hazırkı baş məşqçi Didi Konstantini postunda saxlanılsa da, bu, müvəqqəti xarakter daşıyır. Yəni Avstriya Futbol İttifaqının rəhbərliyi uzağı tsiklin sonunda Konstantinini istefaya göndərəcək. Onu əvəzləyəcək əsas namizədlərdən biri isə məhz millimizin baş məşqçisi göstərilir
Qeyd edək ki, Avstriya AÇ-2012-nin seçmə mərhələsi çərçivəsində yığmamızın əsas rəqiblərindən hesab olunur. A qrupunda 4-cü yer uğrunda mübarizə aparacağımız bu komandaya Vyanada 0:3 hesabıyla uduzmuşduq. Amma oktyabrın 7-ə qarşılaşacağımız avstriyalılardan cəmi 1 xal geri qaldığımız üçün qələbə qazanmaqla onları –cü yerdən sıxışdıra bilərik. Berti Foqtsa gəlincə, artıq iki tsikldi millimizi çalışdıran alman mütəxəssisin taleyinə tsikl başa çatdıqdan sonra aydınlıq gətiriləcək.
