8 sentyabr 2011 15:08
Anjidən Mourinyoya fantastik təklif
Son dövrlər həyata keçirdiyi səs-küylü transferlərlə artıq bütün dünyanın diqqət mərkəzində olan Rusiyanın “Anji” klubu daha bir sensasion addım atmağa hazırlaşır. Azerisport.az xəbər verir ki, Mahaçqala klubu İspaniya “Real”ının baş məşqçisi Joze Mourinyoya fantastik təklif göndərib.
Belə ki, “Anji”nin sahibi Süleyman Kərimov portuqaliyalı çalışdırıcıya illik 25 milyon avro müqabilində anlaşma təklif edib. Ancaq təcrübəli mütəxəssis “kral klubu”ndan ayrılmaq istəmədiyi üçün bu təklifi qəbul etməyib.
Qeyd edək ki, “Anji”də millimizin sabiq çalışdırıcısı Vaqif Sadıqov da baş məşqçi köməkçisi kimi fəaliyyət göstərir.
