9 sentyabr 2011 00:48
Vaqif Cavadovsuz Volqa qələbə qazandı
Futbol üzrə yığma komandamızın hücumçusu Vaqif Cavadovun şərəfini qoruduğu Rusiyanın “Volqa” klubu yoxlama oyunu keçirib. Azerisport.az xəbər verir ki, Nijni Novqodor klubu yaranan fasilədən istifadə edərək, əvəzedici heyətini sınağa çəkib.
Hər biri 35 dəqiqədən ibarət iki hissənin oynanıldığı qarşılaşma əsas komandanın 2:1 hesablı qələbəsi ilə başa çatıb. Hesabı 14-cü dəqiqədə Maksimov açsa da, 31-ci dəqiqədə Xocava əvəzediciləri sevindirib. Lakin Samoxvalov 56-cı dəqiqədə daha bir qol vuraraq əsas komandanın qələbəsini təmin edib.
Baş məşqçi Dmitri Çerışev bu oyunda millimizin hücumçusuna şans verməyib. Görünür, yığmanın düşərgəsindən yorğun qayıdan Cavadova istirahət verilib. Əvəzində 19 yaşlılardan ibarət yığmamızın müdafiəçisi Şamil Qurbanov əvəzedicilərin heyətində start heyətində meydana çıxıb. O, 58-ci dəqiqədə əvəzlənib.
Qeyd edək ki, “Volqa” bu həftəsonu səfərdə millimizin sabiq baş məşqçisi Vaqif Sadıqovun çalışdığı “Anji”nin qonağı olacaq. Özü də baş məşqçi Hacı Hacıyev cəzalı olduğundan, həmin oyuna komandanı məhz Sadıqov çıxaracaq.
