9 sentyabr 2011 16:30
“Hələ öncədən də düşünürdüm ki, çıxsam, dərhal vuracam”
Futbol üzrə Qazaxıstan yığmasının yarımmüdafiəçisi Vitali Yevstiqneyev AÇ-2012-nin seçmə mərhələsi çərçivəsində Bakıda Azərbaycana qarşı keçirdikləri oyunla bağlı danışıb. Azerisport.az xəbər verir ki, o, 2:3 hesabıyla uduzduqları qarşılaşma ilə bağlı Qazaxıstan mətbuatına müsahibəsində bunları dilə gətirib:
“Baş məşqçi Miroslav Beranek mənə əbəs yerə xəbərdarlıq etməmişdi ki, oynayacaqsan. Hələ Azərbaycanla oyunun iştirak ərizəsinə salınanda sevinmişdim və ümid edirdim ki, meydana çıxacam. Türkiyə ilə oyunda isə heç 18-liyə də salınmamışdım. Baş məşqçimiz oyunun gedişində də mənə xəbərdarlıq etdi ki, isinmə hərəkətlərinə başlayıb. Matçın sonlarında isə məni Rojkovun əvəzində meydana buraxdı. Çünki o, zədələndiyindən oyuna davam edə bilməyəcəkdi. Belədə, Kayrat Nurdauletov müdafiəyə çəkildiyindən, mən də onun yerinə çıxış etməyə başladım”.
“Baş məşqçi Miroslav Beranek mənə əbəs yerə xəbərdarlıq etməmişdi ki, oynayacaqsan. Hələ Azərbaycanla oyunun iştirak ərizəsinə salınanda sevinmişdim və ümid edirdim ki, meydana çıxacam. Türkiyə ilə oyunda isə heç 18-liyə də salınmamışdım. Baş məşqçimiz oyunun gedişində də mənə xəbərdarlıq etdi ki, isinmə hərəkətlərinə başlayıb. Matçın sonlarında isə məni Rojkovun əvəzində meydana buraxdı. Çünki o, zədələndiyindən oyuna davam edə bilməyəcəkdi. Belədə, Kayrat Nurdauletov müdafiəyə çəkildiyindən, mən də onun yerinə çıxış etməyə başladım”.
25 yaşlı xavbek vurduğu qoldan da xüsusi olaraq bəhs edib: “Mən hələ ehtiyatda olarkən oturub düşünürdüm ki, meydana çıxsam, şans düşsə, dərhal vuracam. Yağışlı havaydı, meydanın vəziyyəti yaxşı deyildi... Bir sözlə hər şey mümkün idi. Sergey Qridindən xahiş etdim ki, topu buraxsın, mən vurum. Nəticədə komandamıza qol qazandırdım. Uşaqlar hamısı məni təbrik edirlər. Deyirlər ki, topa ilk toxunuşundaca qol vurdun, əhsən! Özü də klubda yox, yığmada”.
Qazaxıstan yığmasındakı debüt matçını millimizə qarşı keçirən futbolçu gələcəkdə də yığmaya çağırılmağı arzulayır: “Amma nəyin necə olacağını heç özüm də bilmirəm. Hər halda bu məsələdə əsas söz sahibi baş məşqçidi”.
