9 sentyabr 2011 17:11
“Prezidentdən stadion tikmək üçün boş ərazi xahiş etdik”
Bu gün “Bakı”nın yeni təlim-məşq bazasının istifadəyə verilməsinə həsr olunmuş mətbuat konfransı keçirilib. Azerisport.az xəbər verir ki, tədbirdə klubun icraçı direktoru Yaşar Seyidov bildirib ki, Azərbaycan prezidenti İlham Əliyevdən futbol liseyi və komandanın öz stadionunun tikilməsi üçün boş ərazi xahiş etdiklərini bildirib:
“Bildiyiniz kimi, dünən “Bakı” klubunun təlim-məşq bazasının açılışında ölkə prezidenti İlham Əliyev də iştirak edib. Həmin vaxt biz ölkə preizdentindən iki xahişimiz oldu. İlham Əliyevdən bazanın yanında futbol Akademiyası tikmək üçüin bizə boş ərazi verilməsini xahiş etdik. Sağ olsun, cənab prezident də bu xahişimizə müsbət cavab verdi. Tikintisi nəzərdə tutulan akademiyada futbolçuların təhsilinə də xüsusi önəm veriləcək. “Bakı”nın öz stadionunun tikilməsi üçün də boş ərazi verilməsini xahiş etdik. İlham Əliyev bu istəyimizi də qarşılıqsız qoymadı və müsbət qarşıladı”.
