9 sentyabr 2011 19:17
Neftçi Lənkərana itkilərlə getdi
Futbol üzrə Azərbaycan Premyer Liqasının 5-ci turunda "Xəzər Lənkəran"la qarşılaşacaq "Neftçi" artıq Lənkəran şəhərindədi. Azerisport.az xəbər verir ki, komanda üzvləri bu gün oyunun keçiriləcəyi Lənkəran şəhər mərkəzi stadionunda məşq edəcəklər.
Hazırlıq prosesi saat 20:00-da start götürəcək. "Neftçi"nin heyətində Emil Mpenza və Rodriqinyo zədəlidi. Əvəzində, milli komandalardan qayıdan futbolçular flaqmanın düşərgəsindədilər. Rail Məlikov, Ruslan Abışov, Ruslan Əmircanov, Cavid Hüseynov Azərbaycanın əsas, Tərlan Quliyev, Mirhüseyn Seyidov, Cavid İmamverdiyev U-21 yığmasında, eləcə də Bahodir Nasimov Özbəkistan, İqor Mitreski isə Makedoniya milli komandasından dönüb. Araz Abdullayev də komandanın heyətində Lənkərana yollanıb.
Xatırladaq ki, sentyabrın 10-da baş tutacaq "Xəzər Lənkəran" - "Neftçi" qarşılaşması saat 20:00-da başlanacaq.
