9 sentyabr 2011 14:57
Azərbaycan AÇ-də Portuqaliya və Serbiyaya rəqib oldu (YENİLƏNİB)
Bu gün futzal üzrə növbəti Avropa çempionatının final mərhələsinin püşkatma mərasimi keçirilib. Azerisport.az xəbər verir ki, Xorvatiyanın Zaqreb şəhərində baş tutacaq tədbir Bakı vaxtı ilə saat 14:30-da start götürüb.
Qeyd edək ki, Azərbaycan millisi püşkatma öncəsi Rumıniya, Sloveniya və Türkiyə ilə birgə 3-cü səbətdə yer alırdı. Bu isə o deməkdi ki, yığmamız sözügedən komandalar istisna olmaqla digər iki səbətdə yer alan kollektivlərlə eyni qrupa düşəcəkdi.
Komandaların səbətlər üzrə bölgüsünü diqqətinizə çatdırırıq:
1-ci səbət: Xorvatiya, İspaniya, İtaliya, Portuqaliya
2-ci səbət: Rusiya, Ukrayna, Çexiya, Serbiya
3-cü səbət: Azərbaycan, Rumıniya, Sloveniya, Türkiyə.
Püşkatma nəticəsində isə komandalar aşağıdakı qruplara bölündülər. Püşkün nəticəsinə əsasən, millimiz AÇ-nin final mərhələsində D qrupunda Portuqaliya və Serbiya yığmaları ilə mübarizə aparacaq.
Bütün qrupların tərkibini diqqətinizə çatdırırıq:
Bütün qrupların tərkibini diqqətinizə çatdırırıq:
A qrupu
Xorvatiya
Rumıniya
Çexiya
B qrupu
Sloveniya
Ukrayna
İspaniya
C qrupu
Türkiyə
İtaliya
Rusiya
D qrupu
Azərbaycan
Serbiya
Portuqaliya
Qeyd edək ki, futzal üzrə Avropa çempionatı 2012-ci ilin fevralında Xorvatiyada təşkil olunacaq.
