Şota Arveladzedən maraqlı region dəyərləndirməsi

Türkiyənin “Kayserispor” klubunun baş məşqçisi, gürcüstanlı mütəxəssis Şota Arveladze qardaş ölkədə növbəti dəfə maraqlı fikirləri ilə hər kəsin diqqət mərkəzinə düşüb. Azerisport.az xəbər verir ki, “Trabzonspor”un sabiq hücumçusu olan hazırkı baş məşqçi Gürcüstanın Rusiya ilə münasibətlərindən, Türkiyə və Azərbaycandan danışıb:

“Rusiya bizim onlardan qorxmamızı istəyir. Türkiyə isə hörmət göstərməyimizi. Bu iki ölkə arasındakı fərq budu. Türkiyə insani bir ölkə. Amma biz qorxmaz ölkəyik. O üzdən də illərcə savaşdıq. Bizdə bir atalar sözü var – ölmədən həyatın dadını anlaya bilməzsən.

 

Məsələn, Qazaxıstan və Azərbaycan eyni millətdəndi. Türkiyə onları heç vaxt buraxmadı. Rusiya da deyə bilər ki, Gürcüstan da xristian. Amma bu, heç bir önəm kəsb etmir. Çətin durumda olarkən yanımızda olmadılar. Onsuz da dinden başqa hər şeyimiz fərqlidi”.