“Azərbaycanla heç-heçə oynamaqla, AÇ şansımızı özümüz azaltdıq”

Futbol üzrə Belçika yığmasının müdafiəçisi Nikolas Lomberts AÇ-2012-nin seçmə mərhələsində Bakıda keçirdikləri Azərbaycanla oyunu yenidən xatırlayıb. Azerisport.az xəbər verir ki, “Zenit”in şərəfini qoruyan futbolçu Rusiya mətbuatına müsahibəsində bunları dilə gətirib:

“Millinin düşərgəsindən yaxşı əhval-ruhiyyədə qayıtdığımı deyə bilmərəm. Özümüz Azərbaycanla heç-heçə oynamaqla, Avropa çempionatına getmək şansımızı azaltdıq. Qələbəni qoruyub saxlaya bilsəydik, indi ikinci pillədə qərarlaşmışdıq. Əgər Türkiyə almanlara uduzsa, Belçikanın yenə şansları artmış olacaq. Ancaq unutmaq lazım deyil ki, bizim də Almaniya ilə oyunumuz var və həmin görüş heç də asan keçməyəcək”.

 

Xatırladaq ki, Belçika yığması millimizlə Bakıdakı oyunda qələbəni son dəqiqələrdə əldən vermişdi – 1:1.