10 sentyabr 2011 22:51
Rednik: Neftçiyə qarşı nənəm də həvəslə oynayar
“Xəzər Lənkəran”ın baş məşqçisi Mirça Rednik Premyer Liqanın 5-ci turunun “Neftçi” ilə oyununu şərh edib. Azerisport.az xəbər verir ki, rumıniyalı mütəxəssis komandasının qazandığı 1:0 hesablı qələbə ilə bağlı bunları dilə gətirib:
"Hər şeydən öncə onu qeyd etmək istərdim ki, mənim mətbuata verdiyim müsahibəmdə fikirlərim təhrif olunub. Mən deməmişəm ki, “Neftçi” üzərində qələbə bizim üçün çempionluqdan önəmlidi. Mən “Xəzər Lənkəran”dakı işimi ona görə davam etdirdim ki, çempion olum. Şadam ki, qələbə qazandıq. Hər halda bu oyunda qələbənin nə demək olduğunu hamı bilir. Üç oyunçumuz bu oyun öncəsi zədəli idi. Ehtiyat oyunçular siyahısına məcburiyyətdən əvəzedici heyətin futbolçularını daxil etmişdik. "Neftçi"yə qarşı nənəm də həvəslə oynayar. "Xəzər Lənkəran" azarkeşlərinə möhtəşəm dəstəyə görə və Mais müəllimə bu cür şəraitə görə minnətdarlığımı bildirirəm. Komandamı qələbə münasibəti ilə təbrik edirəm".
