10 sentyabr 2011 11:32
Azərbaycanla oyuna görə Mallorcaya transfer ola bilmədi
Futbol üzrə Belçika yığmasının hücumçusu Marvin Oqunjimi xoşagəlməz hadisə ilə üzləşib. Azerisport.az xəbər verir ki, o, bu olayla məhz AÇ-2012-nin seçmə mərhələsi çərçivəsində Azərbaycanla qarşılaşmaq üçün çağırıldığı ölkəsinin yığma komandasında qarşılaşıb.
Belə ki, Belçikanın “Genk” klubunda çıxış edən futbolçu İspaniyanın “Mallorca” klubuna keçməyə hazırlaşırmış. Hətta tərəflər 2,4 milyon avroluq transfer haqqı qarşılığında anlaşıblarmış. O, məhz yığmanın düşərgəsində olarkən transfer pəncərəsinin son günündə - avqustun 31-də ispanlarla sözləşmə də imzalayıb. Amma hər şeyə rəğmən gecə yarısına qədər lazımı sənədləri hazırlaya bilməyən “Mallorca” cəmi 7 dəqiqəlik gecikmə səbəbindən, bu transferə razılıq ala bilməyib.
Bu üzdən də Oqunjimi ən azı yanvara ayına kimi yenə “Genk”də çıxış etməli olacaq. Maraq üçün onu da bildirək ki, Oqunjimi sentyabrın 2-də keçirilən Azərbaycan – Belçika matçında nəinki çıxış etmədi, heç ilk “18-liy”ə də salınmamışdı.
