11 sentyabr 2011 13:30
“Qazaxıstan və Belçikadan alınan 4 xal hər şeyi unutdurdu”
“Qəbələ”nin müdafiəçisi Vurğun Hüseynov azerisport.az saytına müsahibəsində Premyer Liqanın 5-ci turunun “Turan”la oyunu öncəsi fikirlərini açıqlayıb, millinin oyunlarından danışıb.
“Məndə yorğunluq yoxdu. Bütün yığma üzvlərinə istirahət verilmişdi. Həkim nəzarətində bərpa prosesi keçdik. Əgər baş məşqçi istəsə, “Turan”a qarşı oynayacağam. Hesab edirəm ki, komanda arxayınlaşmamalıdı. Əsas odu ki, qələbə qazanaq. Əgər biz avrokuboklara düşmək istəyiriksə, hər oyunda qələbəyə köklənməyə borcluyuq. Bizə ancaq öz oyunlarımız vacibdi. İndi liderlər qrupunda olsaq da, çempionatın sonunda kimin hansı pillədə olacağını indidən heç kim deyə bilməz” – deyə, Hüseynov çempionatdakı durumlarını dəyərləndirib.
Millimizin müdafiəçisi AÇ-2012-nin seçmə mərhələsi çərçivəsində Belçika və Qazaxıstana qarşı keçirdikləri oyunlardan da danışıb: “Mən nə bacarırdımsa, etdim. Qiymət verə bilmərəm. Hələ mənə çox işləmək lazımdı. Onda daha yaxşı oynamış olaram. Mənim uğurlarımda klubumun da rolu var. Hansı ki, ilk gündən mənə güvənirlər. Müəyyən qədər yorulsaq da, iki oyuna qazandığımız 4 xal hər şeyi unutdurdu. Bizim qazaxlardan revanş almağımız daha vacib idi. Qarşıda daha iki oyunumuz var. Avstriya ilə Bakıda oyuna daha böyük ümidlər var. Bakıda biz istənilən rəqiblə oyuna yaxşı köklənə bilərik. Uşaqlar ev oyunlarında heç nədən qorxmurlar. Bu üzdən də nəticəmizi daha da yaxşılaşdıra bilərik”.
