12 sentyabr 2011 13:26
Andrey Popoviç: Millidə bir nömrə olmaq istəyirəm
“Sumqayıt Şəhər” klubunun qapıçısı Andrey Popoviç Premyer Liqanın 5-ci turunun “Qarabağ”la oyunundan (0:0) sonra azerisport.az saytının suallarını cavablandırıb.
- “Qarabağ”la heç-heçəyə görə komandanız elə sevinirdi ki, sanki qələbə qazanmısız...
- Belə çox sevinməyimiz ilk xalımızı qazanmağımıza görə idi. Həm də axı bunu Premyer Liqanın əsas favoritlərindən birindən almışıq. Komandamız özünü yaxşı tərəfdən göstərdi. Əlbəttə, daha çox müdafiə olunduq, əks-hücumlara bel bağlayırdıq. Amma belə rəqibə qarşı bu, heç də utandırıcı deyil. Arxayınlaşmayacağıq. Qarşıda bizi “İnter” və “Rəvan”la oyunlar gözləyir. Xal qazanmağa davam etmək istəyirik.
- Amma bütövlükdə, komanda sanki dəyişilib. Bu, nə ilə bağlıdı?
- Komandamız hələ gəncdi. Görünür ki, yavaş-yavaş artırırıq. Uşaqlar artıq başa düşməyə başlayıblar ki, bu, nə əvəzedicilərin çempionatı, nə də birinci divizondu. Burda rəqiblər hər səhvdən yararlanırlar. Məsuliyyət də artır. Bu heç-heçə bizdə özünəinamı daha da artıracaq və xeyrimizə işləyəcək.
- Komandamız hələ gəncdi. Görünür ki, yavaş-yavaş artırırıq. Uşaqlar artıq başa düşməyə başlayıblar ki, bu, nə əvəzedicilərin çempionatı, nə də birinci divizondu. Burda rəqiblər hər səhvdən yararlanırlar. Məsuliyyət də artır. Bu heç-heçə bizdə özünəinamı daha da artıracaq və xeyrimizə işləyəcək.
- Yəqin ki, sizin üçün də ilk dəfə qapınızı sonadək inamla qoruyub, rəqibə qol imkanı verməməyiniz xoşdu...
- Əlbəttə(gülür). Çalışıram. Mən hələ daha da artırmalıyam. Yığmada da ehtiyatda qalmaq istəmirəm.
- İkinci hissədə sizin yerdə qaldığınız epizodda Azərbaycan yığmasının kapitanı Rəşad Sadıqov bundan kəskin narazılığını bildirdi. Aranızda nə baş vermişdi?
- Rauf Əliyevin zərbəsindən sonra mən dirəyə dəydim. Ayağım ağrıdı. O, mənə xüsusi nəsə demədi. Sadəcə, istəyirdi ki, ayağa tez qalxım.
- Qarşıdakı “İnter”lə oyunda əsas hədəfiniz nə olacaq?
- Ancaq qələbəyə oynayacağıq. Mən bu komandanın bir neçə oyununu izləmişəm. Onları məğlub edə bilərik.
- Ancaq qələbəyə oynayacağıq. Mən bu komandanın bir neçə oyununu izləmişəm. Onları məğlub edə bilərik.
- Yığmada üçüncü qapıçı olsanız da, son dövrlərdə artıq Kamran Ağayevdən sonra sizə üstünlük verilir. Birinci olmağa nə mane olur ki?
- O, məndən altı yaş böyükdü. Onun beynəlxalq oyunlarda daha böyük təcrübəsi var. Yığmada çoxdan oynayır. Amma mən heç gənclərdən ibarət yığmada da rəsmi oyuna çıxmamışam. Əgər mənə şans verilsə, buna hazıram.
- Kamran Ağayevə nədə uduzursuz?
- Bəzi komponentlər var. Amma zamanla bunlar hamısı keçəcək. Yığmanın bir nömrəsi olmaq istəyirəm.
