12 sentyabr 2011 17:18
UEFA AÇ-2012-nin Azərbaycanda yayımına icazə verdi
UEFA Azərbaycan və Qazaxıstanda AÇ-2012-nin final mərhələsinin oyunlarının yayımlanacağı kanalların adını rəsmən açıqlayıb. Azerisport.az xəbər verir ki, qitə futbol qurumu bu möhtəşəm turnir çərçivəsində baş tutacaq 31 oyunu bu iki ölkədə yayımlayacaq kanallarla bağlı xüsusi məlumat yayıb.
Məlumatda bildirilir ki, Azərbaycanda bu məsuliyyətli işlə bağlı dövlət televiziyası (AzTV) ilə razılıq əldə olunub. Qazaxıstanda isə Respublika teleradiokorporasiyası qitə birinciliyinin yayımını üzərinə götürüb. Lakin Qazaxıstandan fərqli olaraq, ölkəmizdə Polşa və Ukraynada baş tutacaq 31 oyun AzTV ilə yanaşı, “İdman Azərbaycan” tərəfindən də canlı yayımlanacaq. Bundan əlavə sözügedən kanallar həm də qitə birinciliyinin bütün oyunlarının icmalını, ən yaxşı anlarını, AÇ-nin gündəliyini yayımlamaq hüququna yiyələniblər.
Sonda onu da bildirək ki, AÇ-2012-nin final mərhələsinin oyunları gələn il iyunun 6-dan iyunun 7-dək olan tarixdə baş tutacaq.
