13 sentyabr 2011 17:08
Bakının ev oyunlarını harda keçirəcəyi bəlli oldu
Məlum olduğu kimi, Tofiq Bəhramov adına Respublika stadionu tam olaraq təmirə bağlanılıb. Belədə, mərkəzi arenada yararlanan klubların ev oyunlarını bundan sonra hansı arenada keçirəcəyi maraq doğurur.
Artıq “Bakı” bu müvəqqəti problemi yoluna qoyub. Daha doğrusu paytaxt klubunun rəhbərliyi qarşıdakı ev oyunlarını elə öz təlim-məşq bazasında həyata keçirməyə qərar verib.
Qeyd edək ki, indiyə qədər “Bakı”nın bazasında Premyer Liqa oyunları keçirilib. Belə ki, ötən mövsüm MOİK rəqiblərini məhz bu arenada qəbul edirdi. Bundan əlavə, “zolaqlılar”ın öz əvəzediciləri də çempionatdakı oyunlarını doğma meydançada həyata keçirirdi. İndi isə “Bakı”nın əsas komandası da sözügedən məkanda rəsmi oyuna çıxmalı olacaq.
