İnter Sumqayıtdan sensasiyasız dönüb, 4-cü oldu (YENİLƏNİB)

Bu gün futbol üzrə Azərbaycan Premyer Liqasının 4-cü turundan təxirə salınmış bir oyun keçirilib. Azerisport.az xəbər verir ki, "Sumqayıt Şəhər" doğma meydanda "İnter"i qəbul edib.

 

Xatırladaq ki, bu görüşün təxirə salınmasına Sumqayıt təmsilçisinin bir sıra oyunçularının müxtəlif yığmalarımızın heyətinə dəvət alması səbəb olmuşdu. Lakin nəhayət bu gün sözügedən oyunun keçirilməsi üçün heç bir problem qalmayıb.

 

Hər iki komandanın bu oyuna böyük ruh yüksəkliyi ilə çıxacağı bəlliydi. “İnter” son turda “Simurq” üzərində qələbə qazanmışdı və bu qarşılaşmada qələbə qazanmaqla birbaşa üçüncü pilləyə şərik olmağı hədəfləmişdi.

 

“Sumqayıt Şəhər” isə autsayderlər qrupunda qərarlaşsa da, son turda çempionluğa əsas namizədlərdən sayılan “Qarabağ”a ciddi müqavimət göstərmişdi və rəqibindən xal almışdı. Bernard Raabın yetirmələri “bankirlər”i də qələbəsiz yol salmağı hədəfləsə də, buna nail ola bilmədilər. Onlar bu qarşılaşmada hətta ilk qələbələrini qazanmaq istədiklərini də gizlətmirdilər. Amma sonda həmin qələbə "İnter"ə nəsib oldu. Bunun sayəsində Kaxaber Tsxadadzenin komandası dördüncü pilləyə qalxdı.

 

Premyer Liqa

4-cü turun oyunu

14 sentyabr (çərşənbə)

 

SUMQAYIT ŞƏHƏR - İNTER - 0:2 (0:0)

Qollar: Arif Daşdəmirov, 71 (0:1), Samir Zərgərov, 90+2 (0:2).

Hakimlər: Elnur Muradov, Ramiz Əsədov, Elşən Acalov, Fuad Həsənov

Sumqayıt. Mehdi Hüseynzadə adına şəhər stadionu.

 

Oyun başladı

"İnter" ilk dəqiqələrdən üstünlüyə yiyələnib

Girt Karlsonun zərbəsi təhlükəli, amma qeyri-dəqiqdi

"Sumqayıt Şəhər" əsasən müdafiə olunur

Meydan sahiblərinin heyətində Emin Mustafayevin zərbəsində azacıq dəqiqlik çatışmır

Karlson yenə qeyri-dəqiq zərbə ilə diqqət mərkəzinə düşür

SŞ artıq oyunda tarazlıq yarada bilib

Samir Abasovun təhlükəli asmasına heç kim çatmır

Mustafayev qapıya daha iki qeyri-dəqiq zərbə endirir. O, bu gün çox fəaldı

Sumqayıtlılar artıq oyunda üstünlüyü ələ alıblar

SŞ rəqib qapısına yol tapsa da, hakim Mustafayevun qolunun qaydalar çərçivəsində vurulmadığını bildirir

Birinci hissə başa çatdı

İkinci hissə başladı

"İnter" ikinci hissəyə fəal başlayıb. Amma hələ ciddi qol vəziyyəti yarada bilmir

Qonaqların heyətində Karlson, meydan sahiblərində isə Mustafayev daha fəal oyunu ilə diqqət mərkəzindədi

SŞ yenidən əsas diqqəti müdafəyə yönəldib

Arif Daşdəmirov nəhayət ki, meydan sahiblərinin müqavimətini qıra bilir - 0:1

Mahmud Qurbanovun təhlükəli zərbəsi qapıdan yan keçir

Qoldan sonra artıq "İnter" müdafiəyə çəkilib, SŞ isə hesabı bərabərləşdirməyə çalışır

Hər iki baş məşqçi oyunu emosional şəkildə izləyir

Əlavə vaxtda Samir Zərgərov meydan sahiblərini daha bir dəfə mərkəzə dəvət edir - 0:2

Matç başa çatdı

 

1	Xəzər Lənkəran	5	4	1	0	10-3	13
2	Qəbələ	5	3	2	0	6-3	11
3	Kəpəz	5	3	0	2	11-8	9
4	İnter	5	3	0	2	4-4	9
5	Bakı	5	2	2	1	6-5	8
6	Qarabağ	4	2	1	1	3-2	7
7	AZAL	5	2	1	2	8-8	7
8	Neftçi	4	2	0	2	6-4	6
9	Turan	5	2	0	3	6-7	6
10	Rəvan	5	0	2	3	6-9	2
11	Simurq	5	0	2	3	1-6	2
12	Sumqayıt Şəhər	5	0	1	4	2-10	1