14 sentyabr 2011 19:54
Bernard Raab: Hakim təmiz qolumuzu saymadı
"Sumqayıt Şəhər"in baş məşqçisi Bernard Raab Premyer Liqanın 4-cü turundan təxirə salınan “İnter”lə oyundakı məğlubiyyəti şərh edib. Azerisport.az xəbər verir ki, almaniyalı mütəxəssis 2 cavabsız qolla yenildikləri qarşılaşma ilə bağlı bunları dilə gətirib:
"Bu oyundan öncə zədəli futbolçularımız var idi. İlk hissədə üstün oynadıq, əlimizə düşən imkanlardan yararlana bilmədik. Hakim səhvi də sözünü dedi. O, “İnter”in qapısına təmiz qolumuzu saymadı. İkinci hissədə də yaxşı oynadıq, topa daha çox sahib olduq. Son 5 dəqiqədə hesabda geridə olduğumuz üçün bütün komanda ilə hücuma atıldıq və ikinci qolu qapımızdan buraxdlq. "İnter"ə qarşıdakı oyunlarda uğurlar arzulayıram".
