14 sentyabr 2011 00:17
Yığmamızın rəqibi baş məşqçisiz qaldı
AÇ-2012-nin seçmə mərhələsində Azərbaycan yığmasının rəqibi olan Avstriya seçməsinin baş məşqçisi Ditmar Konstantini tutduğu postdan istefa verib. Azerisport.az xəbər verir ki, bu barədə Avstriya Futbol İttifaqı məlumat yayıb.
Qeyd edək ki, Konstantini ilə dekabrda başa çatacaq müqavilənin artırılmayacağı hələ bir həftə öncədən bəlli idi. Komandasını AÇ-2012-nin final mərhələsinə çıxara bilməyən mütəxəssisə sadəcə tsiklin sonuncu iki oyununda – Azərbaycan və Qazaxıstanla görüşləri yola vermək tapşırılmışdı. Lakin 56 yaşlı mütəxəssis onsuz da heç nəyi dəyişməyəcək bu iki oyunu gözləmədən postundan getməyə üstünlük verib.
Belədə, Avstriya yığmasını millimizlə oyuna onun köməkçisi Villi Ruttenştayger çıxaracaq. Yeni baş məşqçinin kimliyi barədə isə hələlik rəsmi açıqlama verilmir.
