16 sentyabr 2011 14:00
Mirhüseyn Seyidov: Neftçinin yeri ancaq birinci pillədi
“Neftçi”nin gənc yarımmüdafiəçisi Mirhüseyn Seyidov azerisport.az saytının suallarını cavablandırıb.
- “Neftçi” ardıcıl iki turdu məğlubiyyətlə üzləşir. Bunun səbəbi nədi?
- Səbəbini biz özümüz də bilmirik. AZAL-la oyunda öz öz səhvlərimizdən uduzduq. Lənkərandakı matça gəlincə... Böyük oyun tam fərqli də yekunlaşa bilərdi. Sadəcə, “Xəzər Lənkəran”ın bəxti gətirdi ki, 3 xal qazana bildi. Amma bu, həyatın sonu deyil. Oynamaq və xal qazanmaq lazımdı. “Neftçi” özünə gələ bilər. Yadımdadı, ötən mövsümün də əvvəlində xal itkilərimiz var idi. Sonda isə çempion olduq. İki məğlubiyyətə görə həvəsdən düşməyə dəyməz.
- Səbəbini biz özümüz də bilmirik. AZAL-la oyunda öz öz səhvlərimizdən uduzduq. Lənkərandakı matça gəlincə... Böyük oyun tam fərqli də yekunlaşa bilərdi. Sadəcə, “Xəzər Lənkəran”ın bəxti gətirdi ki, 3 xal qazana bildi. Amma bu, həyatın sonu deyil. Oynamaq və xal qazanmaq lazımdı. “Neftçi” özünə gələ bilər. Yadımdadı, ötən mövsümün də əvvəlində xal itkilərimiz var idi. Sonda isə çempion olduq. İki məğlubiyyətə görə həvəsdən düşməyə dəyməz.
- Amma “Neftçi” Lənkərannda qələbəyə layiq oyun da sərgiləmədi...
- “Neftçi” ötən mövsümlə müqayisədə indi hücum futbolu sərgiləyir. Ola bilsin ki, hələ bütün oyunçular bu sxemə alışmadığından, səhvlərimiz olur. Hər halda komanda hücum futbolu oynayanda, çoxlu qol vəziyyətləri yaradanda, azarkeşlərin də xoşuna gəlir. Sadəcə, qol vəziyyətlərindən yararlanmaq yolundakı problemləri aradan qaldırmaq lazımdı. İndi Lənkərandakı məğlubiyyəti mümkün qədər tez unutmalıyıq. Bizim hələ onlarla Bakıda da oyunumuz var. Onda tam fərqli oyun olacaq. İstərdik ki, azarkeşlər “Neftçi”ni dəstəkləməyə davam etsinlər. Biz onların ümidlərini doğruldacağıq. Bütün favoritlər xal itirirlər. Sadəcə, komanda hazırda bir az qara zolağa düşüb.
- Qarşıdan “Qəbələ” ilə oyun gəlir...
- “Qəbələ” üzərində qələbə ilə hər şeyi unutdura bilərik. Bizə cəmi 1 qələbə lazımdı ki, hər şey qaydasına düşsün. “Qəbələ”nin yenilənmiş heyəti var. Onlar indi daha yaxşı oynamağa başlayıblar. Onların “Qarabağ”la, eləcə də digər oyunlarına baxmışam. Çox inamlı təsir bağışlayırlar. Onlarla oyunumuz asan olmayacaq. Amma “Neftçi” bu oyunda qələbə qazanmaqla göstərə bilər ki, medallara şansını qətiyyən itirməyib.
- Rəqibin heyətində kimi xüsusi qeyd edərdiniz?
- Vurğun Hüseynovun oyunu xoşuma gəlir. O, yığmada da yaxşı oyun sərgiləyir. Dodonu da “Qəbələ”nin ən yaxşılarından hesab edirəm. Legionerlərinin böyük təcrübəsi var. Bütün bunlar bir daha göstərir ki, “Qəbələ”ni çox ciddi rəqib kimi qəbul etməliyik. İki məğlubiyyətdən sonra bizə ancaq qələbə lazımdı. Bütün komanda bunu gözəl başa düşür.
- Vurğun Hüseynovun oyunu xoşuma gəlir. O, yığmada da yaxşı oyun sərgiləyir. Dodonu da “Qəbələ”nin ən yaxşılarından hesab edirəm. Legionerlərinin böyük təcrübəsi var. Bütün bunlar bir daha göstərir ki, “Qəbələ”ni çox ciddi rəqib kimi qəbul etməliyik. İki məğlubiyyətdən sonra bizə ancaq qələbə lazımdı. Bütün komanda bunu gözəl başa düşür.
- Mətbuatda bildirilir ki, Böyükağa Hacıyev sizə ağır məşqlər keçir və yorğun olduğunuz üçün belə uğursuz çıxış edirsiz...
- Məşq etmək və oynamaq bizim işimizdi. Buna görə də məşqçinin tapşırıqlarını yerinə yetirmək borcumuzdu. Həm də unutmaq lazım deyil ki, “Neftçi” son ölkə çempionudu. Hələ cəmi 5 tur arxada qalııb. Qarşıda qələbə qazanacağımız çoxlu oyunlar var.
- “Neftçi”nin hazırda turnir cədvəlinin ortalarında yer almasını necə qəbul edirsiz?
- Biz bunu aradan qaldıracağıq. “Neftçi”nin yeri ancaq birinci pillədi. Mən son dövrlər turnir cədvəlinə baxa bilmirəm. “Neftçi” hazırda tutmalı olduğu yerdə deyil. Amma tezliklə turnir cədvəlinin üst pillələrinə qalxacağıq.
- Biz bunu aradan qaldıracağıq. “Neftçi”nin yeri ancaq birinci pillədi. Mən son dövrlər turnir cədvəlinə baxa bilmirəm. “Neftçi” hazırda tutmalı olduğu yerdə deyil. Amma tezliklə turnir cədvəlinin üst pillələrinə qalxacağıq.
