18 sentyabr 2011 19:52
Bəhmən Həsənov: Rəqibi düzgün analiz etmişdik
“Rəvan”ın baş məşqçisi Bəhmən Həsənov Premyer Liqanın 6-cı turunun “Sumqayıt Şəhər”lə oyununu şərh edib. Azerisport.az xəbər verir ki, paytaxt klubunun çalışdırıcısı ev oyununda qeydə alınan 0:0 hesablı heç-heçə ilə bağlı bunları dilə gətirib:
“Penalti epizodunu real qol vəziyyəti saymıram. Penaltidən qol vurub rəqibi udacağımızı düşünmək düzgün deyil. İlk hissədə qol vəziyyətləri yaratsaq da, dəyərləndirə bilmədik. “Sumqayıt Şəhər” çox təşkilatlanmış bir komandadır - asan rəqib deyil. Rəqibimizdə yorğunluq daha çox hiss olunurdu. Oyunun sonlarında “Sumqayıt Şəhər”in bir neçə qol imkanları oldu. “Sumqayıt Şəhər”in “Qarabağ”la oyununu izləmişdim. Rəqibin oyununu təhlil etmişdik. Bu oyuna yaxşı hazırlaşmışdıq. Çox təəssüf ki, qol imkanlarından faydalana bilmədik. “Sumqayıt Şəhər”ə gələcək oyunlarda uğurlar arzulayıram”.
