18 sentyabr 2011 19:58
“Bu, çempionatdakı ən pis oyunumuz idi”
"Sumqayıt Şəhər”in baş məşqçisi Bernard Raab Premyer Liqanın 6-cı turunun “Rəvan”la oyununu şərh edib. Azerisport.az xəbər verir ki, Sumqayıt klubunun almaniyalı çalışdırıcısı rəqib meydanında qeydə alınan 0:0 hesablı heç-heçə ilə bağlı bunları dilə gətirib:
“Bu, bizim çempionatdakı ən pis oyunumuz idi. Oyun ərzində hər iki komandanın çox böyük səhvləri oldu. Ona görə də bu oyun heç-heçə bitdi. Rəqibimiz penaltidən istifadə edə bilmədi, bundan başqa şansları da oldu, lakin heç birindən yararlanmağı bacarmadılar. Bizim də oyunun sonlarında iki dəfə hesabı açmağa şansımız oldu. Komandam ümumilikdə bu gün çox pis oyun göstərdi. Müdafiəçilər yaxşı oynasa da, ön xəttdə sürət çox zəif idi. Bir neçə dəyişiklik etdim ki, sürəti bir qədər artıraq və beləliklə də hesabı açaq. Amma çox təəssüf ki, qol vura bilmədik”..
