18 sentyabr 2011 22:20
Amit Quluzadə siftə, komandası heç-heçə etdi (YENİLƏNİB)
Bu gün futbol üzrə Türkiyə Bank Asya birinci liqasında 2-ci turun oyunları keçirilib. Azerisport.az xəbər verir ki, millimizin üzvü Amit Quluzadənin şərəfini qoruduğu “Kayseri Erciyesspor” da 2011/12 mövsümündəki ilk ev oyununa məhz bu gün çıxıb.
Kayseri təmsilçisi doğma divarlar arasında “Konyaspor”u qonaq edib. Qarşılaşmada qapılara qol vurulmayıb. Bu günkü oyunda Amitə də ilk dəqiqələrdən oynamaq şansı verilib. Həmyerlimiz ilk dəfə 90 dəqiqə meydanda qalıb. Millimizin üzvü bu qarşılaşmada ilk sarı vərəqənin müəllifi olub ku, bu, həm də onun Türkiyədəki "siftəsi"di.
Xatırladaq ki, həmyerlimizin komandası mövsümün ilk oyununu səfərdə “Bucaspor”a qarşı keçirmişdi – 1:1. “Kayseri Erciyesspor”a bu yay transfer olunan “Neftçi”nin sabiq yarımmüdafiəçisi “Bucaspor”la matçın 74-cü dəqiqəsində meydana buraxılmışdı. Məhz onun oyuna daxil olmasından 3 dəqiqə sonra komandası məğlubiyyətdən qaçmağa nail olmuşdu.
Bank Asya birinci liqa
2-ci tur
18 sentyabr
Kayseri Erciyesspor - Konyaspor - 0:0 (0:0)
6. Amit müdafiəçilərin geri qaytarmaq istədiyi topu qapıya yönəltsə də, onun cəhdi komandasına konrerdən başqa nəsə qazandırmır
17. Quluzadə uzun ötürmə ilə oyundaşını qapıçı ilə üz-üzə qoysa da, hücumçu bundan yararlana bilmir
18. Millimizin üzvü rəqib futbolçuya qarşı çox kobud oynayır və onu zədələyir, özü isə sarı vərəqəylə cəzalanır. Qeyd edək ki, bu, onun ilk sarı vərəqəsidi
76. Amit komandasının təhlükəli hücumunu zərbə ilə tamamlasa da, rəqib qapıçı yerindədi
