20 sentyabr 2011 00:58
Bundesliqa klubunda baş məçqçi istefası
Almaniya Bundesliqasında çıxış edən “Hamburg” klubu baş məşqçisiz qalıb. Azerisport.az xəbər verir ki, yeni mövsümə çox pis başlayan Hamburq təmsilçisinin rəhbərliyi uğursuzluqlardan çıxış yolunu baş məşqçi Mixail Enninqi postundan uzaqlaşdırmaqda görüb.
Bu haqda qərar Bundesliqanın son turunun Münhenqladbax “Borussia”sı ilə ev oyunundakı məğlubiyyətdən (0:1) sonra çıxarılıb. Qeyd edək ki, bu məğlubiyyət hamburqluların altıncı oyunda 5-ci xalsız qarşılaşmasıydı. Belə uğursuz çıxışın məntiqi nəticəsi kimi “Hamburg” turnir cədvəlinin son pilləsində qərarlaşıb.
Hələlik, yeni baş məşqçinin kim olacağı dəqiq bilinmir. Klub rəhbərliyi Enninqə əvəzləyici tapana kimi, bu postu müvəqqəti olaraq əvəzedici komandanın çalışdırıcısı Rodolfo Kardosoya tapşırıb.
